మొక్కకు చిక్కులు?

మొక్కలు పసిపాపలు. సమయానికి నీళ్లు పోయాలి. ఎండ నుంచి రక్షించుకోవాలి. ఆ ప్రేమకు పొంగిపోయి శాఖోపశాఖలుగా విస్తరిస్తాయా పచ్చని బుజ్జాయిలు.

మొక్కలు పసిపాపలు. సమయానికి నీళ్లు పోయాలి. ఎండ నుంచి రక్షించుకోవాలి. ఆ ప్రేమకు పొంగిపోయి శాఖోపశాఖలుగా విస్తరిస్తాయా పచ్చని బుజ్జాయిలు. అయితే, కొన్నిసార్లు మొక్క ఎదుగుదలలో తేడా కనిపిస్తుంది. ఆ లక్షణాలను గుర్తించి లోపాలను సరిదిద్దాలి.

• కొత్త ఆకులు వచ్చినప్పుడు పాతవి రాలిపోతాయి. అది సహజం. కానీ లేత ఆకులు కూడా ఉన్నపళంగా రాలిపోతుంటే మాత్రం జాగ్రత్తపడాలి.
• ఆకులు పచ్చబడిపోవడం కూడా ఏమంత మంచి మార్పు కాదు. కొన్నిసార్లు సూర్యకాంతి అతిగా తగలడం వల్ల కూడా ఇలా జరుగుతుంది.
• శిశిరంలో ఆకులురాలడం సహజమే. కానీ రుతువుకాని రుతువులో టపాటపా రాలిపోతున్నాయంటే.. మొక్కకు ఏదో ప్రమాదం ముంచుకొస్తున్నట్టే.
• ఆకులపై మచ్చలూ ఓ అవలక్షణమే. తక్షణ చర్యలు తీసుకోవాల్సి ఉందనే హెచ్చరికే.
• మొక్క ఎదుగుదల ఆగిపోవడం కూడా అనుమానించాల్సిన సందర్భమే.
• ఆకులపై రంధ్రాలు, బూజును తలపించే ఫంగస్‌, పురుగుల జాడలు.. దేన్నీ విస్మరించలేం.
• కొన్నిసార్లు మొక్కల నుంచి దుర్వాసన కూడా వస్తుంది. ఇది కూడా ఆహ్వానించదగిన పరిణామం కాదు.
• కొమ్మలు బలంగా ఉంటేనే మొక్క నిటారుగా నిలబడుతుంది. కొమ్మలు వాలిపోతున్నట్టు, వాడిపోతున్నట్టు అనిపిస్తే మాత్రం.. ప్రమాద సంకేతమే.

.. ఈ లక్షణాలలో ఏ కొన్ని కనిపించినా నిపుణుల సలహా తీసుకోండి. తగిన మందులు వాడండి. మొక్కను బతికించుకోండి.