Dharmasagar | పార్టీ మీటింగులకు పిలువడం లేదని వ్యక్తిపై దాడి.. నలుగురిని అరెస్ట్ చేసిన పోలీసులు

వేలేరు మండల కాంగ్రెస్ పార్టీ అధ్యక్షుడి పై ఇటివల జరిగిన దాడిలో నలుగురు నిందితులను అరెస్ట్ చేసి రిమాండ్ తరలిస్తున్నట్లు ధర్మసాగర్ సీఐ అనుముల శ్రీనివాస్ తెలిపారు.

ధర్మసాగర్ : హనుమకొండ జిల్లా వేలేరు మండల కాంగ్రెస్ పార్టీ అధ్యక్షుడి పై ఇటివల జరిగిన దాడిలో నలుగురు నిందితులను అరెస్ట్ చేసి రిమాండ్ తరలిస్తున్నట్లు ధర్మసాగర్ సీఐ అనుముల శ్రీనివాస్ తెలిపారు. సోమవారం ధర్మసాగర్ పోలీసు స్టేషన్‌లో ఏర్పాటు చేసిన మీడియా సమావేశంలో ఆయన మాట్లాడుతూ..వేలేరు మండల కేంద్రానికి చెందిన కాంగ్రెస్ పార్టీ నాయకుడు ఎండీ సద్దాం హుస్సేన్ అనే వ్యక్తి తనపై రౌడీషీట్ ఉన్నందున మండల పార్టీ అధ్యక్షుడు మురావత్ లక్ష్మణ్ నాయక్ తనను పార్టీ మీటింగ్ లకు సమాచారం ఇవ్వడంలేదని నెపంతో మండల పార్టీ అధ్యక్షుడు పై కక్ష్య పెంచుకున్నారు.

కాగా వేలేరుకు చెందిన మరో ముగ్గురు అనిల్, హరీష్, కృపసాగర్ అనే ముగ్గురితో కలిసి లక్ష్మణ్ నాయక్ పై హత్యాయత్నానికి ప్రణాళిక రూపొందించారు. ఈనెల 17 న లక్ష్మణ్ నాయక్ బైక్ పై హనుమకొండకు వెళ్లి వస్తుండగా ధర్మసాగర్ మండల సాయిపేట, కేషవనగర్ శివారులో హరీష్, కృపసాగర్ అనే ఇద్దరు బైక్ పై ముసుగు ధరించి లక్ష్మణ్ నాయక్ ను ఇనుప రాడ్డుతో దాడి చేసి పారిపోయారు. బాధితుడి కుమారుడు ఇచ్చిన ఫిర్యాదు మేరకు కేసు నమోదు చేసిన ధర్మసాగర్ పోలీసులు దర్యాప్తు చేసి నిందితులను అరెస్టు చేసి రిమాండ్ కు తరలించారు. కాగా కేసు దర్యాప్తులో వేలేరు ఎస్‌ఐ అజ్మీర సురేష్ చాకచక్యంగా వ్యవహరించి నిందితులను పట్టుకోవడంలో కీలకపాత్ర పోషించారని సీఐ శ్రీనివాస్ అభినందించారు.