Nagulachaviti | వేయిస్తంభాల గుడిలో నాగులచవితి సుబ్రహ్మణేశ్వరస్వామికి పూజలు

చారిత్రక రుద్రేశ్వరస్వామి వేయిస్తంభాల దేవాలయంలో కార్తీకశుద్ధ చవితి నాగుల చవితి ని పురస్కరించుకొని ఉదయం ఉత్తిష్ట గణపతికి నవరసాభిషేకం రుద్రేశ్వరస్వామికి రుద్రాభిషేకం సామూహిక రుద్రాభిషేకాలు నిర్వర్తించారు.

హనుమకొండ చౌరస్తా, నవంబర్‌ 13: చారిత్రక రుద్రేశ్వరస్వామి వేయిస్తంభాల దేవాలయంలో కార్తీకశుద్ధ చవితి నాగుల చవితి ని పురస్కరించుకొని ఉదయం ఉత్తిష్ట గణపతికి నవరసాభిషేకం రుద్రేశ్వరస్వామికి రుద్రాభిషేకం సామూహిక రుద్రాభిషేకాలు నిర్వర్తించారు. అనంతరం సుబ్రహ్మణ్యేశ్వర స్వామి ఉత్సవ విగ్రహాన్ని ఆలనాట్యమండపంలో ప్రతిష్టించి శోడశోపచార పూజలు అనంతరం పాలు, పెరుగు, తేనె, నెయ్యి, చక్కెరలతో పంచామృతాభిషేకం నిర్వహించారు.

వేలాది మంది భక్తులు ఆలయ ప్రాంగణంలోని ఆంజనేయస్వామి సన్నిధిలో నాగేంద్రస్వామి సన్నిధిలో కార్తిక దీపాలు వెలిగించడం, పుట్టలలో పాలుపోసి పూజలు చేశారు. వైదిక కార్యక్రమాలను ఆలయ ప్రధానార్చకులు గంగు ఉపేంద్రశర్మ, వేద పండితులు మణికంఠశర్మ, అర్చకులు దత్త కుమార్‌ శర్మ, పణవ్‌ , శ్రవణ్‌ , కాశీ లింగాచారి, వైదిక కార్యక్రమాలను నిర్వహించారు. ఆలయ సిబ్బంది మధుకర్‌ , రామకృష్ణ, రజిత సేవలందించారు.