Arts College | ఆర్ట్స్​‍ కళాశాల-కేడీసీ కాలేజీ మధ్య ఎంఓయూ

విద్యార్థుల విద్యా, పరిశోధనా నైపుణ్యాల అభివృద్ధికి కళాశాలల మధ్య పరస్పర సహకారం అవసరమని యూనివర్సిటీ ఆర్ట్స్​‍కాలేజీ ప్రిన్సిపాల్‌ ప్రొఫెసర్‌ సుంకరి జ్యోతి అన్నారు.

హనుమకొండ చౌరస్తా, సెప్టెంబర్‌ 22 : విద్యార్థుల విద్యా, పరిశోధనా నైపుణ్యాల అభివృద్ధికి కళాశాలల మధ్య పరస్పర సహకారం అవసరమని యూనివర్సిటీ ఆర్ట్స్​‍కాలేజీ ప్రిన్సిపాల్‌ ప్రొఫెసర్‌ సుంకరి జ్యోతి అన్నారు. కాలేజీ రాజనీతి శాస్త్ర విభాగం, కాకతీయ ప్రభుత్వ డిగ్రీ కళాశాల (కేడీసీ) రాజనీతి శాస్త్ర విభాగం మధ్య అవగాహన ఒప్పందం (ఎంఓయూ) కుదిరిందని తెలిపారు.

ఎంఓయూ ద్వారా బోధన, పరిశోధన రంగాల్లో పరస్పరం సహకరించుకోవడంతో పాటు విద్యార్థుల అభ్యున్నతికి కృషి చేయనున్నట్లు, సదస్సులు, చర్చాగోష్టులు, పరిశోధనా కార్యక్రమాల నిర్వహణకు ఈ ఒప్పందం దోహదపడుతుందని చెప్పారు. కార్యక్రమంలో రాజనీతి శాస్త్ర విభాగం అధ్యక్షుడు విజయకుమార్‌, వీరస్వామి, సంజీవ్‌, కేడీసీ రాజనీతి శాస్త్ర విభాగాధిపతి కవిత, రవి పాల్గొన్నారు.