Volleyball | రాష్ర్టస్థాయి వాలీబాల్‌ జట్టుకు ఆర్ట్స్​‍ కాలేజీ విద్యార్థి ఎంపిక‌

కాకతీయ విశ్వవిద్యాలయం ఆర్ట్స్​‍ కాలేజీకి చెందిన విద్యార్థి రాష్ర్టస్థాయి వాలీబాల్‌ జట్టుకు ఎంపికయ్యాడు.

హనుమకొండ చౌరస్తా, నవంబర్‌ 13: కాకతీయ విశ్వవిద్యాలయం ఆర్ట్స్​‍ కాలేజీకి చెందిన విద్యార్థి రాష్ర్టస్థాయి వాలీబాల్‌ జట్టుకు ఎంపికయ్యాడు. బీఏ మొదటి సంవత్సరం చదువుతున్న నందు ఈనెల 2, 3 తేదీల్లో హైదరాబాద్‌లోని ఎల్బీ స్టేడియంలో నిర్వహించిన రాష్ర్టస్థాయి వాలీబాల్‌ జట్టు ఎంపిక పోటీల్లో ప్రతిభ కనబరిచి రాష్ర్ట జట్టుకు ఎంపికయ్యాడు.

ఈ సందర్భంగా ప్రిన్సిపాల్‌ ప్రొఫెసర్‌ సుంకరి జ్యోతి మాట్లాడుతూ విద్యతోపాటు క్రీడారంగంలోనూ విద్యార్థులు ప్రతిభను చాటుకోవడం అభినందనీయమన్నారు. రాష్ర్టస్థాయి జట్టుకు ఎంపికైన నందును అభినందిస్తూ, భవిష్యత్తులో జాతీయస్థాయిలోనూ రాణించి కళాశాలకు, విశ్వవిద్యాలయానికి మంచి పేరు తీసుకురావాలని ఆకాంక్షించారు. విద్యార్థులలో క్రీడాస్ఫూర్తిని పెంపొందించేందుకు కళాశాల అన్ని విధాలుగా ప్రోత్సాహం అందిస్తుందని తెలిపారు. వైస్ ప్రిన్సిపాల్‌ ఎస్.ఎన్‌.రెహమాన్‌, ఫిజికల్‌ డైరెక్టర్‌ ఏటిబీటీ ప్రసాద్‌ పాల్గొని నందును అభినందించారు.