Viral video: సాధారణంగా ఏడాది, రెండేళ్ల వయసు పిల్లలు చేసే అల్లరి మామూలుగా ఉండదు. ముద్దుచేస్తే మీద కూర్చుని బుడ్డబుడ్డ చేతులతో ముక్కూ మూతీ అని చూడకుండా కొడుతూనే ఉంటారు. వదిలేస్తే ఇంట్లో తమకు అందిన ఏ ఒక్క వస్తువును వదలకుండా పీకి పారేస్తుంటారు. ఫోన్ చేతికిస్తే దాని ఖరీదు ఎంతయినా సరే విసిరికొడతారు. పేపర్ చేతికిస్తే అది కరెన్సీ నోటైనా సరే చింపిపారేస్తారు. ఇలా అల్లరి చేస్తూ అమ్మలకు చికాకు తెప్పిస్తుంటారు. అయితే, కొన్ని సందర్భాల్లో మాత్రం చిన్నారులు చేసే పనులు తెగ ముద్దొస్తాయి. పెద్దవాళ్లు చేసే పనులను చూస్తూ వాళ్లు కూడా అచ్చం అలాగే చేయబోతారు.
తాజాగా అలాంటిదే ఓ వీడియో సోషల్ మీడియాలో వైరల్ అవుతున్నది. ఐపీఎస్ ఆఫీసర్ దీపాన్షు కబ్రా తన ట్విటర్ హ్యాండిల్లో పోస్ట్ చేసిన ఈ వీడియోలో.. ఓ మహిళ వాహనం నుంచి నీళ్ల డబ్బాలను కిందకు దించుతుండగా.. బుడిబుడి నడకలు నడుస్తున్న ఆమె కొడుకు ఆ డబ్బాలను ఒక్కొక్కటిగా లోపలికి మోస్తూ సాయపడుతున్నాడు. ఈ క్రమంలో ఆ బుడతడు పడుతున్న అవస్థ చూస్తే నవ్వకుండా ఉండలేరు.
ప్రస్తుతం ఈ వీడియో సోషల్ మీడియాలో వైరల్గా మారింది. లక్షల్లో వ్యూస్ వస్తున్నాయి. వేల మంది లైక్ చేస్తున్నారు. బుడతడి తపనను మెచ్చుకుంటూ కామెంట్ల వర్షం కురుస్తున్నది. మరింకెందుకు ఆలస్యం ఈ కింది వీడియోపై మీరూ ఓ లుక్కేయండి..
उम्र और कद भले छोटा है,
पर “मदद की भावना” बहुत उंची है.माता-पिता ने नायाब हीरा ताराशा है… pic.twitter.com/ySun6A5hEC
— Dipanshu Kabra (@ipskabra) February 14, 2023