ర‌న్‌వేపై విమానం టైర్ పంక్చర్.. కిందికి దిగి ప‌క్క‌కు నెట్టిన ప్ర‌యాణికులు.. వైర‌ల్ వీడియో
ర‌న్‌వేపై విమానం టైర్ పంక్చర్ | సాధార‌ణంగా ఏదైనా వాహ‌నం స‌డెన్‌గా రోడ్డు మీద ఆగిపోతే ఏం చేస్తాం చెప్పండి. అందులోనుంచి దిగి.. దాన్ని రోడ్డు ప‌క్క‌కు నెట్ట‌డ‌మో లేక
సాధార‌ణంగా ఏదైనా వాహ‌నం స‌డెన్‌గా రోడ్డు మీద ఆగిపోతే ఏం చేస్తాం చెప్పండి. అందులోనుంచి దిగి.. దాన్ని రోడ్డు ప‌క్క‌కు నెట్ట‌డ‌మో లేక.. అది స్టార్ట్ అవ‌డం కోసం కాస్త ముందుకు నెట్ట‌డ‌మో చేస్తుంటాం. కారు.. బ‌స్సు లాంటి వాహ‌నాలు అయితే ఓకే కానీ.. ట్రెయిన్‌ను ముందుకు నెట్ట‌డం సాధ్యం అవుతుందా? అలాగే విమానాన్ని నెట్ట‌డం సాధ్యం అవుతుందా? కానీ.. కొంద‌రు దాన్ని సాధ్యం చేశారు. ర‌న్‌వేపై విమానం టైర్ పంక్చర్ అయితే.. దాన్ని ర‌న్‌వే నుంచి త‌ప్పించేందుకు విమానంలో ఉన్న ప్ర‌యాణికులంతా కిందికి దిగి.. దాన్ని ప‌క్క‌కు తోయాల్సి వ‌చ్చింది.
ఈ ఘ‌ట‌న నేపాల్‌లో చోటు చేసుకుంది. తారా ఎయిర్‌లైన్స్‌కు చెందిన విమానం బ‌జురా ఎయిర్‌పోర్ట్‌లోని ర‌న్‌వేపై ఆగిపోయింది. ఏమైంద‌ని చూస్తే దాని వెనుక టైర్ పంక్చర్ అయింది. ర‌న్‌వేపై వేరే విమానాలు వ‌స్తే ప్ర‌మాదం జ‌రుగుతుంద‌ని.. వెంట‌నే ప్యాసెంజ‌ర్లు అంద‌రినీ దించి.. వాళ్ల‌తోనే ఆ విమానాన్ని ర‌న్‌వే నుంచి ప‌క్క‌కు త‌ప్పించారు. దీనికి సంబంధించిన వీడియో ప్ర‌స్తుతం సోష‌ల్ మీడియాలో వైర‌ల్ అవుతోంది. నెటిజ‌న్లు ఆ వీడియోను చూసి కొంద‌రు ఫ‌న్నీగా.. మ‌రికొంద‌రు ఘాటుగా కామెంట్లు చేస్తున్నారు. చివ‌ర‌కు ప్ర‌యాణికుల‌తో విమానాన్ని కూడా నెట్టిస్తున్నారా? ర‌న్‌వేపై విమానాలు మ‌ధ్య‌లో ఆగిపోవ‌డం ఏంటి.. అంటూ నెటిజ‌న్లు కామెంట్లు చేస్తున్నారు.
Read Today's Latest Trending News in Telugu and Telugu News
- Follow Us :
-
