బీరు టిన్‌లో త‌ల దూర్చిన నాగుపాము.. బ‌య‌టికి రాలేక తిప్ప‌లు.. వైర‌ల్ వీడియో

బీరు టిన్‌లో త‌ల దూర్చిన నాగుపాము.. బ‌య‌టికి రాలేక తిప్ప‌లు | ఓ నాగుపాము ఏకంగా తాగి ప‌డేసిన బీరు టిన్‌లో త‌ల దూర్చింది. ఆ త‌ర్వాత త‌న‌కు దానిలో నుంచి బ‌య‌టికి రాలేకపోయింది.

December 5, 2021 / 10:05 PM IST

బీరు టిన్‌లో త‌ల దూర్చిన నాగుపాము.. బ‌య‌టికి రాలేక తిప్ప‌లు.. వైర‌ల్ వీడియో

ఓ నాగుపాము ఏకంగా తాగి ప‌డేసిన బీరు టిన్‌లో త‌ల దూర్చింది. ఆ త‌ర్వాత త‌న‌కు దానిలో నుంచి బ‌య‌టికి రాలేకపోయింది. పాము త‌ల అందులో ఇరుక్కుపోయింది. అందులో నుంచి బ‌య‌ట‌ప‌డేందుకు పాము ఎంతో ప్ర‌య‌త్నించిన‌ప్ప‌టికీ.. దాని వ‌ల్ల కాలేదు. ఈ ఘ‌ట‌న ఒడిశాలోని పూరీ జిల్లాలో చోటు చేసుకుంది.

మాధిపూర్ గ్రామస్తుల‌కు బీరు టిన్‌లో త‌ల ఇరుక్కుపోయిన ఈ పాము ఓ చెట్టు వ‌ద్ద క‌నిపించింది. దీంతో వెంట‌నే రెస్క్యూ టీమ్‌కు స‌మాచారం అందించారు. అక్క‌డికి చేరుకున్న సిబ్బంది దాన్ని ప‌ట్టుకొని బీరు టిన్ నుంచి పాము త‌ల‌ను తీసేందుకు తెగ ప్ర‌య‌త్నించారు.

టిన్‌ను మొత్తం క‌ట్ట‌ర్‌తో క‌ట్ చేసి పాము ఎవ‌రినీ కాటేయ‌కుండా.. దాని త‌ల‌ను ఒక ప్లాస్టిక్ పైపులోకి దూర్చి.. ఆ త‌ర్వాత టిన్ మొత్తాన్ని క‌ట్ చేశారు. ఆ త‌ర్వాత ఆ పాముకు విముక్తి క‌లిగింది. వెంట‌నే దాన్ని తీసుకెళ్లి అడ‌విలో వ‌దిలేసి వచ్చారు. ఈ త‌తంగం మొత్తాన్ని వీడియో తీసి సోష‌ల్ మీడియాలో పోస్ట్ చేయ‌డంతో ఆ వీడియో ప్ర‌స్తుతం వైర‌ల్ అవుతోంది. నెటిజ‌న్లు.. రెస్క్యూ టీమ్‌ను మెచ్చుకుంటున్నారు. పాము కోసం చాలా క‌ష్ట‌ప‌డ్డారంటూ పొగ‌డ్త‌ల్లో ముంచెత్తుతున్నారు.