World’s Oldest Living Man : ప్రపంచంలోనే అత్యంత వృద్ధుడు ఈయన.. వయసు ఎంతో తెలుసా?

ప్రపంచంలోనే అత్యంత వృద్ధుడు | ప్రపంచంలోనే అత్యంత వృద్ధుడు ఎక్కడ ఉన్నాడో తెలుసా? ఆయన వయసు ఎంతో తెలుసా? ఆయన పేరు సాటర్నినో

October 3, 2021 / 05:29 PM IST

World’s Oldest Living Man : ప్రపంచంలోనే అత్యంత వృద్ధుడు ఈయన.. వయసు ఎంతో తెలుసా?

ప్రపంచంలోనే అత్యంత వృద్ధుడు ఎక్కడ ఉన్నాడో తెలుసా? ఆయన వయసు ఎంతో తెలుసా? ఆయన పేరు సాటర్నినో. స్పెయిన్ లో 1909 వ సంవత్సరంలో జన్మించాడు. 11 ఫిబ్రవరి తారీఖున జన్మించినా.. ఆయన బర్త్ డే మాత్రం ప్రతి సంవత్సరం ఫిబ్రవరి 8న చేసుకుంటాడు. ప్రస్తుతం ఆయన వయసు 112 సంవత్సరాలు. ప్రపంచం మొత్తం మీద ఇంత వయసుతో బతికి ఉన్న వాళ్లెవరూ లేరు. దీంతో సాటర్నినోను ప్రపంచంలోనే అత్యంత వృద్ధుడిగా పేర్కొంటూ గిన్నిస్ వరల్డ్ రికార్డులో పేరు ఎక్కించారు.

సాటర్నినోకు ఏడుగురు కూతుళ్లు, ఒక్క కొడుకు ఉండేవాడు. తన కొడుకు.. చిన్నతనంలోనే చనిపోయాడు. ప్రస్తుతం 112 ఏళ్ల ఈ తాత బాగోగులను తన కూతురు, అల్లుడు చూసుకుంటున్నారు. ప్రస్తుతం తన ఫ్యామిలీలో 14 మంది మనవళ్లు, మనవరాళ్లు, 22 మంది మునిమనవళ్లు, ముని మనవరాళ్లు ఉన్నారు.

ఈసంవత్సరం ఫిబ్రవరి 8న తన 112 వ పుట్టిన రోజును తన ఫ్యామిలీ మధ్య అంగరంగ వైభవంగా జరుపుకున్నాడు ఈ తాత. అయితే.. గత 8 నెలల నుంచి కోవిడ్ వల్ల.. ఎటూ బయటికి వెళ్లలేక.. తన కుటుంబ సభ్యులను కలుసుకోలేకపోతున్నాడట ఈ తాత.

ప్రపంచంలోనే అత్యంత వృద్ధుడిగా సాటర్నినో రికార్డు క్రియేట్ చేయగా.. జపాన్ కు చెందిన కనె తనక.. 118 ఏళ్ల వయసుతో ప్రపంచంలోనే అత్యంత వృద్ధురాలుగా రికార్డు క్రియేట్ చేసింది.

ఇంతకీ.. సాటర్నినో.. ఇంతకాలం ఆరోగ్యంగా పది కాలాల పాటు బతికి ఉండటానికి కారణం ఏంటో తెలుసా? ప్రశాంతమైన జీవితం. తన పనేదో తాను చేసుకొని.. ప్రశాంతంగా ఎటువంటి టెన్షన్స్ లేకుండా ఉండటమే తన నూరేళ్ల ఆయుష్షుకు ప్రధాన కారణం అని సాటర్నినో చెప్పుకొచ్చాడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి