వైర‌ల్ పిక్స్ : రైస్ కుక్క‌ర్‌ను పెండ్లి చేసుకున్నాడు!

జ‌కార్తా : తాను అమితంగా ప్రేమించే రైస్ కుక్క‌ర్‌ను పెండ్లి చేసుకుంటున్న ఇండోనేషియ‌న్ వ్య‌క్తి ఫోటోలు ట్విట్ట‌ర్‌లో వైర‌ల్‌గా మారాయి. ఈ ఫోటోల్లో తెల్ల‌ని వెడ్డింగ్ డ్రెస్‌లో అత‌డు మెరిసిపోగా వ‌ధువుగా ముస్తాబైన‌ రైస్ కుక్క‌ర్‌ను వైట్ డ్రెస్‌తో అలంక‌రించాడు. ఈ ఫోటోల్లో కొత్త జంట కెమెరాకు క‌లిసి ఫోజులు ఇవ్వ‌డం క‌నిపించింది. త‌మ పెండ్లికి చ‌ట్ట‌బ‌ద్ధ‌త క‌ల్పించేందుకు అవ‌స‌ర‌మైన ప‌త్రాల‌పై పెండ్లికొడుకు అనం సంత‌కాలు చేస్తూ ఓ ఫోటోలో సంద‌డి చేశాడు.

మ‌రో ఫోటోలో రైస్ కుక్క‌ర్‌ను కిస్ చేస్తూ రొమాంటిక్ పోజిచ్చాడు. ఈ ఫోటోల‌కు “వైట్‌..క్వైట్‌..ప‌ర్ఫెక్ట్‌..వెరీ డ్రీమీ” అని క్యాప్ష‌న్ ఇచ్చాడు. సెప్టెంబ‌ర్ 20న కుక్క‌ర్‌తో త‌న పెండ్లిని ప్ర‌క‌టిస్తూ ఆనం ఫేస్‌బుక్ పేజీలో ఈ ఫోటోలు పోస్ట్ చేశాడు. ఈ ఫోటోల‌కు ఇప్ప‌టివ‌ర‌కూ 44,300కు పైగా లైక్‌లు, 1,35,000 రీట్వీట్‌లు వ‌చ్చాయి. కుక్క‌ర్‌ను పెండ్లి చేసుకున్న వ్య‌క్తిపై నెటిజ‌న్లు త‌లోర‌కంగా కామెంట్లు చేశారు.