ఆగ‌స్టు 5 నుండి తిరిగి తెరుచుకోనున్న ‘వండ‌ర్ లా’ థీమ్ పార్క్‌

హైదరాబాద్ : న‌గ‌రంలోని వండ‌ర్ లా పార్క్ ఆగ‌స్టు 5వ తేదీ నుండి తిరిగి తెరుచుకోనుంది. అన్ని వయస్సుల వారికి రూ .799 (జీఎస్‌టీతో స‌హా) పరిమిత ఆఫర్‌తో పార్క్‌లోని అన్ని వ‌స‌తులు అందుబాటులో ఉంటాయి. ఈ థీమ్ పార్క్ గురువారం నుండి ఆదివారం వరకు ఉదయం 11 నుండి తెరిచి ఉంటుంది. ప‌ర్యాట‌కులు, సంద‌ర్శ‌కులు ఎంట్రీ టికెట్ల కోసం bookings.wonderla.com కు లాగినై బుక్ చేసుకోవ‌చ్చు. కొవిడ్ నేప‌థ్యంలో ఈ పార్క్ 50 శాతం సామ‌ర్థ్యంతో ప‌నిచేయ‌నుంది.

వండర్ లా హాలిడేస్ లిమిటెడ్ ఎండీ అరుణ్ కె చిట్టిలపిల్లి మాట్లాడుతూ.. సంద‌ర్శ‌కుల‌ను ఆహ్వానించేందుకు తామంతా సిద్ధంగా ఉన్నామ‌న్నారు. త్వరలోనే త‌మ‌ ఇతర పార్కులను కూడా తెర‌వాల‌ని ఆశిస్తున్న‌ట్లు చెప్పారు. త‌మ సిబ్బందికి ఇప్ప‌టికే కొవిడ్ టీకాలు పూర్తిచేసిన‌ట్లు వెల్ల‌డించారు. మాస్కులు ధ‌రించ‌డం తప్ప‌నిస‌రి అన్నారు. ఔట‌ర్ రింగ్ రోడ్ రావిరాల గ్రామం ఎగ్జిట్ నంబ‌ర్ 13కు స‌మీపంలో ఈ వండ‌ర్ లా థీమ్ పార్క్ ఉంది. మ‌రిన్ని వివ‌రాల‌కు వండ‌ర్ లా వెబ్‌సైట్ https://www.wonderla.com/, లేదా 040 23490300, 040 23490333 నంబ‌ర్ల‌కు ఫోన్‌కాల్ చేసి తెలుసుకోవ‌చ్చ‌ని అరుణ్ పేర్కొన్నారు.