బనకచర్ల ప్రాజెక్టుపై కేంద్రం ముందుకే!.. రేవంత్కు 20రోజుల ముందే లేఖ
ఏపీ సర్కారు చేపట్టిన పోలవరం బనకచర్ల లింక్ ప్రాజెక్టుకు సంబంధించిన టెక్నో ఎకనామికల్ అప్రయిజల్ ప్రక్రియ ఆగబోదని కేంద్ర జల్శక్తిశాఖ చెప్పకనే చెప్పింది.
- టెక్నో ఎకనామికల్ అప్రయిజల్ పీఎఫ్ఆర్ను పరిశీలిస్తున్నాం
- తెలంగాణ అభ్యంతరాలను పరిగణలోకి తీసుకుంటాం
- కేంద్ర జల్శక్తిశాఖ మంత్రి సీఆర్ పాటిల్ వెల్లడి
- ఇప్పటికీ రేవంత్ సర్కారు గోప్యత
హైదరాబాద్, అక్టోబర్10 (నమస్తే తెలంగాణ): ఏపీ సర్కారు చేపట్టిన పోలవరం బనకచర్ల (Banakacherla) లింక్ ప్రాజెక్టుకు సంబంధించిన టెక్నో ఎకనామికల్ అప్రయిజల్ ప్రక్రియ ఆగబోదని కేంద్ర జల్శక్తిశాఖ చెప్పకనే చెప్పింది. తెలంగాణతోపాటు గోదావరి బేసిన్ రాష్ర్టాలు లేవనెత్తిన అంశాలను పరిగణలోకి తీసుకుని, సంప్రదింపులతోనే ముందుకు వెళ్తామని వెల్లడించింది. ఈ మేరకు కేంద్ర జల్శక్తిశాఖ మంత్రి సీఆర్ పాటిల్ 20 రోజుల క్రితం స్వయంగా తెలంగాణ ముఖ్యమంత్రి రేవంత్రెడ్డికి లేఖ రాశారు. కానీ సర్కారు మాత్రం ఈ అంశాన్ని ఇప్పటికీ బయటకు పొక్కకుండా చూడటం గమనార్హం. అవార్డుకు విరుద్ధంగా గోదావరి నుంచి 200 టీఎంసీల వరద జలాలను మళ్లించేందుకు రూ.81 వేల కోట్ల అంచనా వ్యయంతో పోలవరం- బనకచర్ల లింక్ ప్రాజెక్టును (పీబీ) చేపట్టేందుకు ఏపీ ప్రణాళికలను రూపొందించిన విషయం తెలిసిందే. ఆ పీబీ లింక్ ప్రాజెక్టుకు సంబంధించి పీఎఫ్ఆర్ (ప్రీ ఫీజుబిలిటీ రిపోర్టు)ను గతంలోనే కేంద్ర జల్శక్తిశాఖకు సమర్పించింది. తెలంగాణవ్యాప్తంగా ఈ ప్రాజెక్టుపై వ్యతిరేకత వెల్లువెత్తడం, బీఆర్ఎస్ ఒత్తిడితో ఎట్టకేలకు రేవంత్రెడ్డి స్పందించారు.
పీబీ లింక్ ప్రాజెక్టుపై అభ్యంతరాలు తెలుపుతూ కేంద్ర జల్శక్తిశాఖ మంత్రికి గత జూలైలో లేఖ రాశారు. తాజాగా తెలంగాణ సీఎం లేఖపై కేంద్ర జల్శక్తిశాఖ మంత్రి సీఆర్ పాటిల్ స్పందించారు. రేవంత్రెడ్డి లేఖకు బదులిస్తూ సెప్టెంబర్ 23న లేఖ రాశారు. ఏపీ సమర్పించిన పీబీ లింక్ ప్రాజెక్టు పీఎఫ్ఆర్ను ప్రస్తుతం కేంద్రజల్శక్తి శాఖ పరిధిలోని కేంద్ర జల కమిషన్ (సీడబ్ల్యూసీ) పరిశీలిస్తున్నదని వెల్లడించారు. ఆ పీఎఫ్ఆర్ను అన్ని కో-బేసిన్ రాష్ట్రాలకు పంపామని తెలిపారు. సంబంధిత అధికారులు, కో-బేసిన్ రాష్ట్రాలతో సంప్రదించి ప్రాజెక్ట్ సాంకేతిక-ఆర్థిక అంచనా కోసం తగిన ప్రక్రియను అనుసరిస్తామని సైతం ఆ లేఖలో కేంద్ర మంత్రి తెలిపారు. దానిని తోసి పుచ్చకుండా పీఎఫ్ఆర్ను పరిశీలిస్తున్నామని కేంద్రజల్శక్తి శాఖ వెల్లడించడం గమనార్హం. ఇదిలాఉంటే కేంద్రం నుంచి లేఖ వచ్చి దా దాపు 20 రోజులు గడిచినా రాష్ట్ర ప్రభుత్వం ఈ విషయం పొక్కకుం డా దాచిపెట్టడం చర్చనీయాంశంగా మారింది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
IND vs NZ | హెన్రీ నికోల్స్, గ్లెన్ ఫిలిప్స్ అద్భుత పోరాటం..! కివీస్ స్కోరు 243/5
KCR | తెలంగాణ ఒక నిఖార్సయిన ఉద్యమకారున్ని కోల్పోయింది : కేసీఆర్
Bandla Ganesh | బండ్ల గణేశ్కు జైలుశిక్ష.. రూ. 95 లక్షల చెక్ బౌన్స్ కేసులో ఒంగోలు కోర్టు కీలక తీర్పు
Tyson Naidu Teaser | మాస్ యాక్షన్ విందుతో బెల్లంకొండ ‘టైసన్ నాయుడు’ టీజర్.!
Siddipeta | పోలీసుల దిగ్బంధనంలో సిద్దిపేట.. ఎక్కడికక్కడే బీఆర్ఎస్ నాయకుల అరెస్ట్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

