Traffic Alert | శనివారం అర్ధరాత్రి వరకు హైదరాబాద్‌లో ట్రాఫిక్‌ ఆంక్షలు..

మృగశిర కార్తె (Mrigasira Karthi) సందర్భంగా హైదరాబాద్‌లోని నాంపల్లి ఎగ్జిబిషన్‌ గ్రౌండ్‌లో ఆస్తమా వ్యాధిగ్రస్తులకు చేప ప్రసాదం (Fish Prasadam) పంపిణీ చేస్తున్నారు. ఈ సందర్భంగా ఎగ్జిబిషన్‌ గ్రౌండ్‌ పరిసరాల్లో పోలీసులు ట్రాఫిక్‌ ఆంక్షలు (Traffic restrictions) విధించారు.

హైదరాబాద్‌: మృగశిర కార్తె (Mrigasira Karthi) సందర్భంగా హైదరాబాద్‌లోని నాంపల్లి ఎగ్జిబిషన్‌ గ్రౌండ్‌లో ఆస్తమా వ్యాధిగ్రస్తులకు చేప ప్రసాదం (Fish Prasadam) పంపిణీ చేస్తున్నారు. ఈ సందర్భంగా ఎగ్జిబిషన్‌ గ్రౌండ్‌ పరిసరాల్లో పోలీసులు ట్రాఫిక్‌ ఆంక్షలు (Traffic restrictions) విధించారు. శనివారం అర్ధరాత్రి వరకు ఆంక్షలు అమలులో ఉంటాయని చెప్పారు. ఈ నేపథ్యంలో ఎగ్జిబిషన్‌ గ్రౌండ్‌, నాంపల్లి పరిసర ప్రాంతాల్లో ట్రాఫిక్‌ రద్దీగా ఉంటుంది. తెలంగాణలోని వివిధ జిల్లాల నుంచే కాకుండా ఇతర రాష్ట్రాల నుంచి కూడా భారీ సంఖ్యలో ప్రజలు తరలి వస్తున్నారు. దీంతో ఎగ్జిబిషన్‌ గ్రౌండ్‌, పరిసరాల్లో ట్రాఫిక్‌ ఇబ్బందులు ఏర్పడే అవకాశం డండటంతో ట్రాఫిక్‌ రద్దీని బట్టి, ట్రాఫిక్‌ మళ్లింపు, నిలిపివేతలు చేపడుతామని అధికారులు చెప్పారు. ఈ నేపథ్యంలో వాహనదారులు ప్రత్యామ్నాయ మార్గాల్లో వెళ్లాలని సూచించారు.

ట్రాఫిక్‌ మళ్లింపులు ఇలా..

• ఎంజే మార్కెట్‌ నుంచి ఎగ్జిబిషన్‌ గ్రౌండ్‌ వైపు వెళ్లే వాహనాలను, అబిడ్స్‌ జీపీఓ- నాంపల్లి స్టేషన్‌ రోడ్డులోకి మళ్లిస్తారు.
• ఎంజే బ్రిడ్జి, బేగంబజార్‌ ఛత్రి నుంచి నాంపల్లి వైపు వెళ్లే వాహనాలను అలస్క టవర్స్‌ వద్ద దారుసలాం, ఏక్‌ మినార్‌ వైపు మళ్లిస్తారు.
• పీసీఆర్‌ జంక్షన్‌ నుంచి నాంపల్లి వైపు వచ్చే వాహనాలను ఏఆర్‌ పెట్రోల్‌ పంప్‌, బీజీఆర్‌ విగ్రహం వైపు అవసరాన్ని బట్టి మళ్లిస్తారు.
• నాంపల్లి వైపు నుంచి కార్లలో వచ్చే ప్రజలు తమ వాహనాలను గృహకల్ప, గగన్‌ విహార్‌, చంద్ర విహార్‌లో పార్కు చేసి.. అజంతా గేట్‌ (2) నుంచి ఎగ్జిబిషన్‌ గ్రౌండ్‌లోకి వెళ్లాలి.
• వీఐపీ కారు పాస్‌ ఉన్న వారు ఎంజే మార్కెట్‌ నుంచి గాంధీ భవన్‌ వరకు వచ్చి ఎడమ వైపు తీసుకొని ఎగ్జిబిషన్‌ గ్రౌండ్‌ గేట్‌-1, నాంపల్లి వైపు నుంచి వచ్చే వాహనాలు గాంధీ భవన్‌ వద్ద యూటర్న్‌ తీసుకొని గేట్‌-1, సీడబ్ల్యూసీ గేట్‌ ద్వారా లోపలికి వెళ్లాలి.
• చేప ప్రసాదం అనంతరం వీఐపీ వాహనాలు వీఐపీ గేట్‌, సీడబ్ల్యూసీ గేట్‌ నుంచి అదాబ్‌ హోటల్‌ నుంచి నాంపల్లి మీదుగా బయటకు వెళ్లిపోవాలి.