కొలువులు సాధించడంలో తెలంగాణ యువత ముందంజలో ఉన్నది. నైపుణ్యసామర్థ్యం, క్రిటికల్ థింకింగ్తో గరిష్ఠంగా ఉద్యోగాలను కొల్లగొట్టడంలో తెలంగాణ యువత దేశంలోనే మొదటిస్థానంలో ఉన్నదని ఇండియా స్కిల్స్-2024 నివేదిక వెల్లడించింది.
Telangana | హైదరాబాద్, డిసెంబర్ 24 (నమస్తే తెలంగాణ): ఇలా డిగ్రీ పూర్తిచేయగానే, అలా ఉద్యోగాలు పొందగిలిగే యువత ఉన్న రాష్ట్రాల్లో తెలంగాణ అగ్రగామిగా నిలిచింది. దేశంలో గరిష్ఠ ఉపాధి సామర్థ్యాలున్న యువత కలిగిన రాష్ర్టాల్లో మన రాష్ట్రం ఫస్ట్ ప్లేస్లో నిలిచింది. 18-21 ఏండ్ల వయసున్న వారు తెలంగాణలో 85.45 శాతం ఉపాధిని పొందగలిగే ప్రతిభను కలిగి ఉన్నారు. జాతీయంగా ఇదే అత్యధికం. తరువాతిస్థానాల్లో తమిళనాడు (65.65), బీహార్ (60), పంజాబ్ (58.26), హర్యానా (56.14) టాప్-10లో నిలిచాయి. ఈ ఆసక్తికర విషయాలు ఇండియా స్కిల్స్-2024 నివేదికలో వెల్లడయ్యాయి. ఈ నివేదిక ప్రకారం.. క్రిటికల్ థింకింగ్, సంఖ్యానైపుణ్యాల్లో తెలంగాణ టాప్లో ఉన్నది.
నివేదికలో మరికొన్ని విశేషాలు:
ప్రత్యేక చొరవతోనే..
రాష్ట్రంలో ఉద్యోగాల కల్పనకు కేసీఆర్ ప్రభుత్వం అనేక చర్యలు చేపట్టింది. ముఖ్యంగా టీహబ్, టీవర్క్స్ల ఏర్పాటు చేసి యువ ఇంజినీర్లను ఆంత్రప్రెన్యూర్స్గా తయారుచేస్తున్నది. రెండింటినీ సమన్వయం చేయడం ద్వారా అనేక ఆవిష్కరణలు, ఉపాధిని ప్రోత్సహించింది. జిల్లాల్లోనూ ఐటీ టవర్లను ఏర్పాటు చేసి కంపెనీలను విస్తరించింది. కంప్యూటర్ ఎమర్జింగ్ స్కిల్స్ కోర్సులను తీసుకొచ్చింది. ఏఐ, మెషిన్ లర్నింగ్, సీఎస్ఈ, డాటాసైన్స్, రోటోటిక్స్ వంటి కోర్సులను డిగ్రీ, ఇంజినీరింగ్ కోర్సుల్లో ప్రవేశపెట్టింది. ఫలితంగా పరిశ్రమలకు కావాల్సిన వర్క్ఫోర్స్ను సమకూర్చింది. టీహబ్, టీవర్క్స్ మధ్య సమన్వయం, అనేక హ్యాకథాన్లు, ఇన్నోవేషన్ చాలెంజ్ను ప్రభుత్వ సహకారంతో నిర్వహించినట్టు స్కిల్ ఇండియా నివేదిక కేసీఆర్ ప్రభుత్వ చొరవను కొనియాడింది.