అమ్మపాలే బిడ్డకు వరం
పిల్లలకు తల్లిపాలు ఒక వరం. వాటిని మించిన పౌష్టికాహారం బిడ్డకు ఈ ప్రపంచంలో ఎక్కడా దొరుకదు. పాలు ఇవ్వడం ద్వారా అటు తల్లికి.. వాటిని తాగడం ద్వారా బిడ్డకు ఆరోగ్యకరమని అనేక అధ్యయనాలు రుజువు చేశాయి. ఆరు నెలల వయసు వచ్చేవరకు బిడ్డకు కచ్చితంగా తల్లిపాలే తాగించాలని శాస్త్రవేత్తలు, డాక్టర్లు చెప్తున్నారు. అయితే కొందరు తల్లిదండ్రులు ప్రకటనలు చూసి మోసపోతూ రసాయన మిశ్రమాలతో తయారైన కృత్రిమ పాలు తాగిస్తూ చేజేతులా పిల్లల ఆరోగ్యాన్ని
- పాలివ్వడం అమ్మకు, బిడ్డకు ఆరోగ్యం
- నేటి నుంచి తల్లిపాల వారోత్సవాలు
హైదరాబాద్, జూలై 31 (నమస్తే తెలంగాణ): పిల్లలకు తల్లిపాలు ఒక వరం. వాటిని మించిన పౌష్టికాహారం బిడ్డకు ఈ ప్రపంచంలో ఎక్కడా దొరుకదు. పాలు ఇవ్వడం ద్వారా అటు తల్లికి.. వాటిని తాగడం ద్వారా బిడ్డకు ఆరోగ్యకరమని అనేక అధ్యయనాలు రుజువు చేశాయి. ఆరు నెలల వయసు వచ్చేవరకు బిడ్డకు కచ్చితంగా తల్లిపాలే తాగించాలని శాస్త్రవేత్తలు, డాక్టర్లు చెప్తున్నారు. అయితే కొందరు తల్లిదండ్రులు ప్రకటనలు చూసి మోసపోతూ రసాయన మిశ్రమాలతో తయారైన కృత్రిమ పాలు తాగిస్తూ చేజేతులా పిల్లల ఆరోగ్యాన్ని పాడుచేస్తున్నారు. ఈ నేపథ్యంలో తల్లిపాల ప్రాముఖ్యాన్ని చాటిచెప్పేందుకు ఏటా ఆగస్టు 1-7 మధ్య ‘తల్లిపాల వారోత్సవాలు’ నిర్వహిస్తున్నారు. సోమవారం నుంచి వారోత్సవాలు ప్రారంభం అవుతున్న నేపథ్యంలో తల్లిపాల ప్రాముఖ్యతపై కథనం.
ముర్రుపాలు..
అపోహ: బిడ్డకు ముర్రుపాలు పడితే అనారోగ్యమని చాలా మంది భావిస్తుంటారు. పిల్లలు పుట్టగానే ముందుగా తేనె, చెక్కెర నీళ్లు వంటివి ఇవ్వడం శ్రేయస్కరం అని అనుకొంటారు.
వాస్తవం: పుట్టిన గంటలోపు బిడ్డకు ముర్రుపాలు తాగించాలి. అప్పుడే పుట్టిన పిల్లల్లో రోగనిరోధక శక్తి తక్కువగా ఉంటుంది. ముర్రుపాలు పట్టడం ద్వారా తల్లికి ఉన్న రోగనిరోధక శక్తి పాల ద్వారా బిడ్డకు లభిస్తుంది. ఇది జీవితాంతం రక్షిస్తుంది. శిశువు పేగులను శుభ్రం చేస్తాయి. మలవిసర్జన సాఫీగా సాగేలా చేస్తాయి.
బిడ్డ పుట్టిన గంటలోపు ముర్రుపాలు ఇవ్వడం మొదలు 6 నెలల వయసు వచ్చే వరకు తల్లిపాలు తప్ప వేరేవి ఇవ్వకూడదు. పుట్టిన కొన్నివారాల వరకు రోజుకు కనీసం 8-10 సార్లు పాలు ఇవ్వాలి. ఆరు నెలలు దాటిన తర్వాత తల్లిపాలతోపాటు అదనపు ఆహారం ఇవ్వొచ్చు. సరిపడా పాలు వస్తే రెండేండ్ల వరకు పిల్లలకు పాలు ఇవ్వవచ్చని నిపుణులు సూచిస్తున్నారు.
తల్లిపాల ప్రయోజనాలు
- తేలికగా జీర్ణం అవుతాయి.
- అవసరమైన పోషకాలన్నీ అందుతాయి. అంటువ్యాధుల నుంచి రక్షిస్తాయి.
- శారీరకంగా ఎదుగడానికి అవసరమయ్యే ప్రొటీన్లు, విటమిన్లు.. మానసిక వికాసానికి అవసరమయ్యే ఫ్యాటీ యాసిడ్లు పుష్కలంగా ఉంటాయి.
- పాలలోని లాక్టోజ్తో కాల్షియం నిల్వలు పెరిగి, బిడ్డ దృఢంగా తయారవుతారు. ఊబకాయ సమస్య ఉండదు.
తల్లికీ ప్రయోజనం
- పాలిచ్చే తల్లులు కచ్చితంగా పోషకాహారం తీసుకుంటారు. ఇది తల్లికి, బిడ్డకు సరిపడా పోషకాలను అందిస్తుంది. ప్రసవం తర్వాత త్వరగా కోలుకోవడానికి సహాయపడుతుంది.
- సాధారణంగా గర్భం సమయంలో బరువు పెరుగుతుంటారు. పాలివ్వడం ద్వారా తిరిగి సాధారణ బరువు పొందుతారు.
- బిడ్డకు చనుబాలు ఇవ్వడం ద్వారా రొమ్ము, గర్భ సంచి క్యాన్సర్లు వచ్చే అవకాశాలు తగ్గుతాయని అధ్యయనాలు చెప్తున్నాయి. అస్టియో పొరొసిన్ (ఎముకల బలహీనత) నుంచి కాపాడుతుందని చెప్తున్నారు.
- మానసికంగా తల్లి, బిడ్డకు మధ్య బంధాన్ని బలోపేతం చేస్తుంది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
కమీషన్ కొట్టు.. టెండర్ పట్టు!
17న పాఠశాల విద్యాశాఖ డైరెక్టరేట్ ముట్టడి
Air Pollution | శీతాకాలంలో అధికమయ్యే వాయు కాలుష్యం.. ఈ లక్షణాలు కనిపిస్తే జాగ్రత్త పడాల్సిందే..
Electric Rice coocker | ఎలక్ట్రిక్ రైస్ కుక్కర్లో వండిన అన్నం ఆరోగ్యానికి మంచిది కాదా.. నిపుణులు ఏమంటున్నారు..?
Brinda Karat | కార్పొరేట్ అనుకూల విధానాలతో వ్యవసాయ రంగానికి నష్టం : బృందా కారత్
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

