Rural Literacy Rate | గ్రామీణ అక్షరాస్యతలో పూర్‌.. కింది నుంచి రెండో స్థానంలో తెలంగాణ

గ్రామీణ మహిళ ల అక్షరాస్యతలో తెలుగు రాష్ర్టాలు అట్టడుగున నిలిచాయి. బీహార్‌, ఛత్తీస్‌గఢ్‌ కంటే ఆంధ్రప్రదేశ్‌, తెలంగా ణ వెనుకబడ్డాయి.

• మన కన్నా వెనుకబడిన ఆంధ్రప్రదేశ్‌
• పురుషులు కాస్త నయం..మహిళలు అధ్వానం

Rural Literacy Rate | హైదరాబాద్‌, డిసెంబర్‌ 25 (నమస్తే తెలంగాణ): గ్రామీణ మహిళ ల అక్షరాస్యతలో తెలుగు రాష్ర్టాలు అట్టడుగున నిలిచాయి. బీహార్‌, ఛత్తీస్‌గఢ్‌ కంటే ఆంధ్రప్రదేశ్‌, తెలంగా ణ వెనుకబడ్డాయి. 2023-24 సంవత్సరంలో ఏపీ కింది నుంచి మొ దటి స్థానంలో, తెలంగాణ కింది నుంచి రెండో స్థానంలో ఉన్నాయి. మొత్తం గ్రామీణ అక్షరాస్యత రేటు విషయంలోనూ తెలంగాణ, ఏపీ కింది నుంచి వరుసగా మొదటి, రెండో స్థానంలో నిలిచినట్టు ఇటీవల కేంద్ర ప్రభుత్వం వెల్లడించింది. దేశమంతా డిజిటల్‌ లిటరసీ వైపు పరుగులు తీస్తుంటే అక్షరాస్యత రేటు విషయంలో తెలుగు రాష్ర్టాలు వెనుకబడటం ఆందోళన కలిగిస్తున్నది. అక్షరాస్యతను పెంచేందుకు కేంద్రం న్యూ ఇండియా లిటరీస్‌ ప్రోగ్రామ్‌ను చేపట్టింది. పలు ఆశావహ జిల్లాలను గుర్తించి ఈ ప్రోగ్రామ్‌ను అమలు చేస్తున్నప్పటికీ ఫలితాలు రావడం లేదు.

కేంద్రం వివరాలు ఇవీ..

• తెలంగాణలో గ్రామీణ మహిళల అక్షరాస్యత రేటు ఏడాది వ్యవధిలోనే 4% తగ్గింది. 2022-23లో 65.9 శాతంగా ఉన్న ఈ రేటు.. 2023-24లో 61.1 శాతానికి పడిపోయింది.
• తెలంగాణలో గ్రామీణ పురుషుల అక్షరాస్యత రేటులో ఎలాంటి మార్పులేదు. 2022-23తోపాటు 2023-24లోనూ 79.3 శాతంగా నమోదైంది.
• 2022-23లో తెలంగాణలో 72.6 శాతంగా ఉన్న గ్రామీణ అక్షరాస్యత రేటు 2023-24లో 69.9 శాతానికి దిగజారింది. ఇది జాతీయ సగటు 77.5% కంటే చాలా తక్కువ. ఇదే సమయంలో ఏపీలో గ్రామీణ అక్షరాస్యత రేటు 67.6 నుంచి 67.5 శాతానికి తగ్గింది.