KCR | తెలంగాణ ధిక్కారస్వరం దాశరథి: కేసీఆర్‌

‘నా తెలంగాణ కోటి రతనాల వీణ’ అంటూ తన కవిత్వం ద్వారా తెలంగాణ గరిమను ప్రపంచానికి చాటి, తన సాహిత్యం ద్వారా తిమిరంతో సమరం చేస్తూ, నాటి రైతాంగంలో రాచరికానికి వ్యతిరేకంగా సాయుధ పోరాట స్పూర్తిని రగిలించిన యోధుడు, బహుముఖ ప్రజ్ఞాశాలి దాశరథి’ అని బీఆర్‌ఎస్‌ పార్టీ అధినేత కేసీఆర్‌ కొనియాడారు.

• తెలంగాణ పోరాటంలో దాశరథి స్ఫూర్తి
• దాశరథి శతజయంతి సందర్భంగా కేసీఆర్‌

KCR | హైదరాబాద్‌, జూలై 22 (నమస్తే తెలంగాణ): ‘నా తెలంగాణ కోటి రతనాల వీణ’ అంటూ తన కవిత్వం ద్వారా తెలంగాణ గరిమను ప్రపంచానికి చాటి, తన సాహిత్యం ద్వారా తిమిరంతో సమరం చేస్తూ, నాటి రైతాంగంలో రాచరికానికి వ్యతిరేకంగా సాయుధ పోరాట స్పూర్తిని రగిలించిన యోధుడు, బహుముఖ ప్రజ్ఞాశాలి దాశరథి’ అని బీఆర్‌ఎస్‌ పార్టీ అధినేత కేసీఆర్‌ కొనియాడారు. తెలంగాణ సాధనకోసం తాను సాగించిన పోరాట పంథాలో దాశరథి అందించిన స్ఫూర్తి ఇమిడి ఉన్నదని పేర్కొన్నారు. క్కా

తెలంగాణ ఆత్మగౌరవ ధిక్కారస్వరం, అభ్యుదయ కవి రచయిత, దాశరథి కృష్ణమాచార్య శతజయంతి సందర్భంగా ఆయన స్ఫూర్తిని స్మరించుకున్నారు. మహోన్నతమైన దాశరథి గొప్పతనాన్ని గుర్తించి, ఆయన స్ఫూర్తి కొనసాగే దిశగా, వారి జయంతి రోజున, తెలంగాణ సాహిత్యంలో లబ్ధప్రతిష్ఠులకు ప్రతియేటా అందించేందుకు ‘దాశరథి కృష్ణమాచార్య అవార్డు’ను తమ ప్రభుత్వ హయాంలో నెలకొల్పిన విషయాన్ని ఆయన గుర్తుచేశారు. తెలంగాణ ఆత్మగౌరవాన్ని అత్యున్నత శిఖరాల మీద నిలబెట్టే దాశరథి కవిత్వం, సాహిత్యం తెలంగాణ భవిష్యత్తు తరాలకు నిత్యస్ఫూర్తిదాయకమని కేసీఆర్‌ పేర్కొన్నారు.