Visit:
హైదరాబాద్‌, నవంబర్‌ 30 (నమస్తే తెలంగాణ) : తెలంగాణ రాష్ట్ర జ్యుడీషియల్‌ సర్వీసులో సివిల్‌ జడ్జిల(జూనియర్‌ డివిజన్‌) స్థాయిలో 66 పోస్టులను భర్తీ చేయడానికి ఆన్‌లైన్‌ పద్ధతిలో అర్హులైన వారినుంచి దరఖాస్తులను ఆహ్వానిస్తున్నట్టు తెలంగాణ హైకోర్టు రిజిస్ట్రార్‌ ఆదివారం ఒక ప్రకటనలో తెలిపారు.
సివిల్‌ జడ్జిల(జూనియర్‌ డివిజన్‌) పోస్టులకు డిసెంబర్‌ 8వ తేదీ నుంచి 29వ తేదీ వరకు దరఖాస్తులను ఆన్‌లైన్‌ ద్వారా పంపాల్సి ఉంటుందని వెల్లడించారు. పోస్టుల పరీక్ష తేదీలు, హల్‌టికెట్ల డౌన్‌లోడ్‌, కంప్యూటర్‌ ఆధారిత స్రీనింగ్‌ పరీక్ష తదితర వివరాలను వెబ్‌సైట్‌లో ప్రకటిస్తామని రిజిస్ట్రార్‌ చెప్పారు. పూర్తి వివరాలకు హైకోర్టు వెబ్‌సైట్‌ http://tshc.gov.comను సంప్రదించాలని సూచించారు.
