బీజేపీకి రెండు సీట్లు మించవ్‌ : మహేశ్‌కుమార్‌గౌడ్‌

తెలంగాణలో బీజేపీ అధికారంలోకి రావడం పక్కనబెడితే, ఇప్పుడున్న 8 సీట్లలో రెండు వస్తే ఎక్కువేనని టీపీసీసీ అధ్యక్షుడు మహేశ్‌కుమార్‌గౌడ్‌ తేల్చి చెప్పారు.

హైదరాబాద్‌, అక్టోబర్‌ 27 (నమస్తేతెలంగాణ) : తెలంగాణలో బీజేపీ అధికారంలోకి రావడం పక్కనబెడితే, ఇప్పుడున్న 8 సీట్లలో రెండు వస్తే ఎక్కువేనని టీపీసీసీ అధ్యక్షుడు మహేశ్‌కుమార్‌గౌడ్‌ తేల్చి చెప్పారు. రాష్ట్రంలో ఇప్పట్లో బీజేపీ అధికారంలోకి వచ్చే పరిస్థితే లేదని, ఇక్కడ ఆ పార్టీ పని అయిపోయిందని చెప్పారు.

మంగళవారం గాంధీభవన్‌లో ఆయన మీడియాతో మాట్లాడారు. ఇప్పుడున్న ఎమ్మెల్యేల్లో ఒక్కరూ గెలువబోరని జోస్యం చెప్పారు. ఆదిలాబాద్‌, నిజామాబాద్‌లో 40 శాతం సీట్లు కాంగ్రెస్‌కే వస్తాయని ధీమా వ్యక్తంచేశారు.