TS-iPASS | తమిళనాడులో కేసీఆర్ మాడల్..! దేశానికే దిక్సూచిలా కేసీఆర్ పాలసీ
‘పోరాడి తెలంగాణను సాధించుకున్నం.. ఒక్కో రంగాన్ని గాడిన పెట్టాలె.. ఇందులో యువతకు ఉపాధి అత్యంత కీలకం. పరిశ్రమలు రాష్ర్టానికి క్యూ కడితేనే యువతకు ఉపాధి సాధ్యం. పరిశ్రమలు రాష్ర్టానికి రావాలంటే వారికి అనుమతులను సులభతరం చేయాలి. ఇందుకు ప్రత్యేకంగా ఓ పాలసీ అవసరం..’ ఇది నాడు తెలంగాణ తొలి ముఖ్యమంత్రి కేసీఆర్ ఆలోచన.
- ‘టీఎస్-ఐపాస్’ తరహాలో 21 రోజుల్లో
- పరిశ్రమల అనుమతులకు ప్రతిపాదనలు
- అనుమతులు రాకుంటే డీమ్డ్ అప్రూవల్
- బీఆర్ఎస్ హయాంలో సత్ఫలితాలు
- ఇటీవల నీతి ఆయోగ్ సైతం ప్రశంసలు
- దేశానికే దిక్సూచిలా కేసీఆర్ పాలసీ
హైదరాబాద్, ఆగస్టు 19 (నమస్తే తెలంగాణ): ‘పోరాడి తెలంగాణను సాధించుకున్నం.. ఒక్కో రంగాన్ని గాడిన పెట్టాలె.. ఇందులో యువతకు ఉపాధి అత్యంత కీలకం. పరిశ్రమలు రాష్ర్టానికి క్యూ కడితేనే యువతకు ఉపాధి సాధ్యం. పరిశ్రమలు రాష్ర్టానికి రావాలంటే వారికి అనుమతులను సులభతరం చేయాలి. ఇందుకు ప్రత్యేకంగా ఓ పాలసీ అవసరం..’ ఇది నాడు తెలంగాణ తొలి ముఖ్యమంత్రి కేసీఆర్ ఆలోచన. ఈ ఆలోచనల నుంచి పురుడు పోసుకున్న పాలసీయే టీఎస్- ఐపాస్ (తెలంగాణ ఇండస్ట్రియల్ ప్రాజెక్ట్ అప్రూవల్ అండ్ సెల్ఫ్ సర్టిఫికేషన్ సిస్టమ్). నాడు బీఆర్ఎస్ హయాంలో ప్రవేశపెట్టిన ఈ పాలసీ సత్ఫలితాలు ఇవ్వడంతో గత నెలలో కేంద్ర ప్రభుత్వ మేధో సంస్థ నీతి ఆయోగ్ సైతం ప్రత్యేకంగా ప్రశంసించింది.
దేశంలోనే ఉత్తమ విధానాల్లో ఒకటిగా టీఎస్-ఐపాస్ను కొనియాడింది. తాజాగా తమిళనాడులో సైతం ఇదే స్ఫూర్తితో ఇదే తరహా పాలసీని ప్రారంభించేందుకు ఆ రాష్ట్ర ప్రభు త్వం సన్నద్ధమవుతున్నది. ఈ మేరకు తాజాగా ‘ఫ్యూచర్ రెడీ ఫైనాన్స్-గవర్నెన్స్, గ్రోత్ అండ్ ఇన్నోవేషన్’ అనే థీమ్తో నిర్వహించిన ‘సీఐఐ తమిళనాడు ఫైనాన్స్ కాంక్లేవ్-2026’లో పరిశ్రమల అనుమతుల్లో జాప్యానికి చెక్ పెట్టేందుకు త్వరలో కొత్త విధానాన్ని రూపొందిస్తున్నట్టు ఆ రాష్ట్ర ఫైనాన్స్ సెక్రటరీ ఎంఏ సిద్ధిఖీ తెలిపారు. పెట్టుబడులను ఆకర్షించేందుకు 21 రోజుల్లోనే పరిశ్రమలకు అనుమతులు ఇవ్వాలని నిర్ణయించినట్టు తెలిపారు. 21 రోజుల్లో ఏవైనా కారణాలతో అనుమతులు లభించకపోతే డీమ్డ్ అప్రూవల్ అయ్యేలా పాలసీని తీసుకొస్తామని వెల్లడించారు. త్వరలో ఈ పాలసీని అసెంబ్లీలో ప్రవేశపెడుతారని చెప్పారు.
పరిశ్రమలకు ఊతమిచ్చేలా..
తెలంగాణ రాష్ట్ర ఏర్పాటు తర్వాత కేసీఆర్.. వ్యవసాయం, సాగునీటి రంగానికి ప్రాధాన్యత ఇస్తూనే, పరిశ్రమలు రాష్ర్టానికి వస్తే యువతకు పెద్దఎత్తున ఉద్యోగాలు వస్తాయని భావించారు. దేశంలోనే ఏ రాష్ట్రంలో లేనివిధంగా కొత్తగా కంపెనీ పెట్టాలనుకొనే వారికి ‘ఈజ్ ఆఫ్ డూయిం గ్ బిజినెస్’లో భాగంగా ప్రభుత్వ అనుమతితో పని లేకుండా మొదటిరోజు నుంచే తమ కార్యకలాపాలు సాగించేలా వ్యవస్థను రూపొందించారు. ఆన్లైన్ ద్వారా తమ కంపెనీ వివరాలు అందించి కేవలం 15 రోజుల్లోనే పూర్తిస్థాయి అనుమతి పొందే వెసులుబాటు తీసుకొచ్చారు. ఒకవేళ ఏదైనా కారణాలతో 15 రోజుల తర్వాత అనుమతి లభించకపోతే ఆ మరుసటిరోజు నుంచే నేరుగా ఆన్లైన్ ద్వారా అనుమతి వచ్చేలా టీఎస్-ఐపాస్ను రూపొందించారు.
టీఎస్-ఐపాస్ ప్రత్యేకతలు
- సింగిల్ విండో విధానంలో అనుమతులు, ప్రోత్సాహకాలు
- ఇంటి నుంచే దరఖాస్తు చేసుకోవడంతోపాటు ఆన్లైన్లోనే అనుమతులు
- స్వీయ ధ్రువీకరణ (సెల్ఫ్ సర్టిఫికేషన్) ద్వారా దరఖాస్తు చేసుకొనే చాన్స్ – 15 రోజుల్లోగా అనుమతులు జారీ, అనుమతులకు గరిష్ఠ సమయం 30 రోజులు. అనుమతులు రాకుంటే డీమ్డ్ అప్రూవల్ పొందే వెసులుబాటు – అనుమతుల్లో జాప్యం చేసిన అధికారికి రోజుకు రూ.1,000 జరిమానా.
Read Today's Latest Telangana News in Telugu and Telugu News
RELATED ARTICLES
తాజా వార్తలు
AP News | అన్నాచెల్లెళ్ల మధ్య ముదురుతున్న వివాదం.. యలహంక ప్యాలెస్కు వైఎస్ షర్మిల..!
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Donald Trump | దేశాధ్యక్షుడినైన నాకంటే ఆమెకు బిడ్డపైనే ప్రేమ ఎక్కువ.. కరోలిన్ లీవిట్ గురించి ట్రంప్ ఆసక్తికర వ్యాఖ్యలు..!
BJP MLA Rekha Patra Critical | బెంగాల్ బీజేపీ ఎమ్మెల్యే రేఖా పాత్ర పరిస్థితి విషమం.. వెంటిలేటర్ సపోర్ట్పై చికిత్స
Helmets | బైక్ ట్యాక్సీపై వెళ్లేప్పుడు హెల్మెట్ వాడుతున్నారా.. ఈ జాగ్రత్తలు పాటించాల్సిందే..
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

