శ్రీశైలంలో తగ్గిన నీటిమట్టం
తెలుగు రాష్ట్రానికి జీవనాడి అయిన శ్రీశైలం ప్రాజెక్టు నీటిమట్టం క్రమేణా తగ్గిపోతున్నది. ప్రభుత్వం మేల్కొనకపోతే ఈ వేసవిలో తాగునీటికి కష్టాలు తప్పవని ప్రజలు ఆందోళన చెందుతున్నారు.
- వేసవిలో తాగునీటికి తప్పని కష్టాలు
- ఆందోళనలో ప్రజానీకం
నాగర్కర్నూల్, నవంబర్ 15 : తెలుగు రాష్ట్రానికి జీవనాడి అయిన శ్రీశైలం ప్రాజెక్టు నీటిమట్టం క్రమేణా తగ్గిపోతున్నది. ప్రభుత్వం మేల్కొనకపోతే ఈ వేసవిలో తాగునీటికి కష్టాలు తప్పవని ప్రజలు ఆందోళన చెందుతున్నారు. శ్రీశైలం నీటిమట్టం 885 అడుగులు కాగా, సామర్థ్యం 215.80 టీఎంసీలు. ప్రస్తుత నీటిమట్టం 829.10 అడుగులు కాగా, నీటి నిల్వ 48.57 టీఎంసీలు ఉన్నది. జూరాల, సుంకేసుల, హంద్రీ నుంచి ఇన్ఫ్లో పూర్తిగా నిలిచిపోయింది. కుడి, ఎడమ విద్యుత్తు కేంద్రాల్లో విద్యుత్తు ఉత్పత్తి సైతం నిలిచిపోయింది. శ్రీశైలంలో కనిష్ఠ స్థాయి 834 అడుగులుగా పరిగణిస్తారు. ఆ మట్టం వద్ద నిల్వ 53.28 టీఎంసీలు తక్కువే. ఇప్పుడు వాడుతున్నది డెడ్ స్టోరేజ్ కంటే కూడా దిగువన ఉన్న నీరే. గతంలో కేఆర్ఎంబీ శ్రీశైలంలో 800 అడుగుల వరకు వాడుకోవడానికి అనుమతించింది. దీనిప్రకారం ఇంకా 29 అడుగుల వరకు వాడుకోవచ్చు.
ఆ 29 అడుగుల్లో చాలా తక్కువ నీరు ఉంటుంది. అంటే డ్యామ్ అడుగున నీరు వెడల్పు తక్కువ ఉండడంతో పైలోతు సైతం తక్కువ ఉంటుంది. ఈ నెల మొదటి వారంలో 51.60 టీఎంసీలతో 832 అడుగులు ఉండగా, రెండో వారంలో 48.57 టీఎంసీలు ఉండి, 829.10 అడుగులకు చేరింది. 9 రోజుల్లో 3.03 టీఎంసీలు, 2.90 అడుగుల వ్యత్యాసం కనిపిస్తున్నది. రోజుకు సగటున 0.33 టీఎంసీలు తగ్గుతున్నాయి. ఇదే వేగంతో నీటిమట్టం తగ్గితే వచ్చే మూడు నెలల్లోనే పరిస్థితి మరింత దిగజారుతుందన్నది నిపుణుల అంచనా. ఉమ్మడి మహబూబ్నగర్ జిల్లాలోని మహబూబ్నగర్, వనపర్తి, గద్వాల, నారాయణపేట ప్రాంతాలకు కల్వకుర్తి ఎత్తిపోతల, పాలమూరు-రంగారెడ్డి ఎత్తిపోతల ద్వారా తాగు, సాగునీరు, మహబూబ్నగర్, నాగర్కర్నూల్ జిల్లాలకు తాగునీటికోసం శ్రీశైలం నుంచి 5 టీఎంసీలు కావాలని తెలంగాణ గతంలోనే కోరింది.
ఈ నెల మొదటి వారం వరకు కేఎల్ఐ ద్వారా 2,400 క్యూసెక్కులు, పాలమూరు ద్వారా 1,250 క్యూసెక్కులు విడుదలైనట్టు అధికారి లెక్కలు చెబుతున్నాయి. ఎన్ నినో ప్రభావంతో ఈ ఏడాది శ్రీశైలానికి వచ్చిన వరద 218 టీఎంసీలు మాత్రమే. వేసవిలో ఆవిరి నష్టం, డిమాండ్ పెరుగుదల ఉండటంతో తాగునీటికి గడ్డుకాలం ఏర్పడనుంది. అధికారులు ఇప్పటికే ఈ నీటిని హైదరాబాద్, నల్లగొండ, ఖమ్మం తాగునీటి కోసం వచ్చే జూలై వరకు సరిపెట్టాలని నిర్ణయించారు. శ్రీశైలంలో వేసవిలో 800 అడుగుల కంటే దిగువకు పడిపోవడం ఖాయం. ఇప్పుడున్న 48.57 టీఎంసీలు తాగునీటికే సరిపోతాయి. ప్రభుత్వం ఇప్పటికైనా మేల్కొనకపోతే వేసవిలో ప్రజలకు తాగునీటిని అందించడం కష్టతరం కానుంది.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

