ఆరోగ్య మహిళ @ 2.78 లక్షలు

మహిళల ఆరోగ్యం కోసం సీఎం కేసీఆర్‌ ఆదేశాల మేరకు ప్రారంభించిన ‘ఆరోగ్య మహిళ’ కార్యక్రమం విజయవంతంగా కొనసాగుతున్నది.

• 13 వేల మందిపై దవాఖానలకు రెఫర్‌
• ప్రస్తుతం 272 కేంద్రాల్లో సేవలు
• 12న మరో 100 కేంద్రాలు ప్రారంభం

హైదరాబాద్‌, సెప్టెంబర్‌ 9 (నమస్తే తెలంగాణ): మహిళల ఆరోగ్యం కోసం సీఎం కేసీఆర్‌ ఆదేశాల మేరకు ప్రారంభించిన ‘ఆరోగ్య మహిళ’ కార్యక్రమం విజయవంతంగా కొనసాగుతున్నది. ప్రత్యేక క్లినిక్స్‌ ద్వారా ఇప్పటివరకు 2,78,317 మంది మహిళలకు వైద్య పరీక్షలు నిర్వహించారు. అనేక కారణాల వల్ల మహిళలలు చిన్న చిన్న ఆరోగ్య సమస్యలను నిర్లక్ష్యం చేస్తుంటారని, దీంతో వ్యాధి ముదిరి తీవ్ర అనారోగ్యం పాలవుతున్నారని సీఎం కేసీఆర్‌ గుర్తించారు. అందుకే ప్రాథమిక స్థాయిలోనే సమస్యను గుర్తించి చికిత్స అందించేలా ‘ఆరోగ్య మహిళ’ కార్యక్రమానికి శ్రీకారం చుట్టారు. రాష్ట్రవ్యాప్తంగా ప్రత్యేకంగా ‘మహిళా క్లినిక్స్‌’ ప్రారంభించారు. అంతర్జాతీయ మహిళా దినోత్సవం సందర్భంగా ఈ ఏడాది మార్చి 8 నుంచి 100 కేంద్రాలు అందుబాటులోకి వచ్చాయి. వైద్యారోగ్య శాఖ మంత్రి హరీశ్‌రావు కరీంనగర్‌ కేంద్రంగా వీటిని ప్రారంభించారు.

• ప్రతి మంగళవారం ఆయా కేంద్రాల్లో ప్రత్యేకంగా మహిళలకే వైద్య పరీక్షలు నిర్వహిస్తున్నారు. 8 రకాల వైద్య పరీక్షలు జరుపుతున్నారు.
• మొదట 24 జిల్లాల్లో 100 కేంద్రాలు ప్రారంభం అయ్యాయి.
• ఆ తర్వాత మరో 9 జిల్లాల్లో 172 కేంద్రాల్లో జూన్‌ 14 నుంచి సేవలు మొదలయ్యాయి.
• రాష్ట్రవ్యాప్తంగా ఉమెన్‌ స్పెషల్‌ క్లినిక్స్‌ సంఖ్య 272కు పెరిగింది.
• అత్యధికంగా హైదరాబాద్‌లో 85 కేంద్రాలు పనిచేస్తున్నాయి.
• ఈ నెల 12న మరో 100 ఆరోగ్య మహిళ కేంద్రాలు అందుబాటులోకి రానున్నాయి. మంత్రి హరీశ్‌రావు వీటిని ప్రారంభిస్తారు.
• తీవ్రమైన జబ్బులు ఉన్నట్టు గుర్తిస్తే వారిని పై దవాఖానలకు రెఫర్‌ చేస్తున్నారు.
• ఇప్పటివరకు 2.78 లక్షల మందికి వైద్య పరీక్షలు నిర్వహించగా.. అనుమానిత లక్షణాలు ఉన్న 13,673 మందిని పై దవాఖానలకు రెఫర్‌ చేశారు.

‘ఆరోగ్య మహిళ’ పరీక్షలు ఇలా..