సికిల్‌సెల్‌ ఎనీమియాపై పాఠ్యాంశం

సికిల్‌ సెల్‌ ఎనీమియా.. ఒక రకమైన రక్తహీనత. ఈ వ్యాధి ఉన్నవారు సకాలంలో జాగ్రత్తలు తీసుకోపోతే చిన్న వయస్సులోనే చనిపోతారు. దీని తీవ్రతను గుర్తించిన యూనివర్సిటీ గ్రాంట్స్‌ కమిషన్‌ (యూజీసీ).. ఈ వ్యాధిపై అవగాహన కల్పిచేందుకు కీలక నిర్ణయం తీసుకున్నది. ఈ వ్యాధిపై అన్ని స్థాయిల్లో అవగాహన కల్పించేందుకు పాఠ్యాంశాలు, కోర్సులను ప్రవేశపెట్టాలని సూచించింది.

• రక్తహీనతపై విద్యార్థుల్లో అవగాహన కల్పించేందుకు యూజీసీ నిర్ణయం
• ఉన్నతస్థాయి వరకు పాఠ్యాంశాలు, కోర్సులు ఏర్పాటు చేయాలని సూచన

హైదరాబాద్‌, మార్చి 21 (నమస్తే తెలంగాణ): సికిల్‌ సెల్‌ ఎనీమియా.. ఒక రకమైన రక్తహీనత. ఈ వ్యాధి ఉన్నవారు సకాలంలో జాగ్రత్తలు తీసుకోపోతే చిన్న వయస్సులోనే చనిపోతారు. దీని తీవ్రతను గుర్తించిన యూనివర్సిటీ గ్రాంట్స్‌ కమిషన్‌ (యూజీసీ).. ఈ వ్యాధిపై అవగాహన కల్పిచేందుకు కీలక నిర్ణయం తీసుకున్నది. ఈ వ్యాధిపై అన్ని స్థాయిల్లో అవగాహన కల్పించేందుకు పాఠ్యాంశాలు, కోర్సులను ప్రవేశపెట్టాలని సూచించింది. ఈ మేరకు యూజీసీ సెక్రటరీ మనీశ్‌జోషి మంగళవారం అన్ని యూనివర్సిటీల వైస్‌చాన్స్‌లర్లు, అన్ని విద్యాసంస్థల ప్రిన్సిపాళ్లకు లేఖ రాశారు.

ఇండియన్‌ కౌన్సిల్‌ ఆఫ్‌ మెడికల్‌ రిసెర్చ్‌ (ఐసీఎంఆర్‌) సూచలను అనుసరించి ఆయన లేఖను రాశారు. సికిల్‌ సెల్‌ లోపం వారసత్వంగా తల్లిదండ్రుల నుంచి సంక్రమిస్తుంది. దేశంలో ఏటా 30 నుంచి 40 వేల మంది పిల్లలు ఈ రుగ్మతతో జన్మిస్తున్నారని అంచనాలున్నాయి. ఐసీఎంఆర్‌ సూచనల ప్రకారం తగినంత అవగాహన, కౌన్సిలింగ్‌, నిర్దిష్ట చికిత్సతో ఈ లక్షణాలను సమర్థంగా ఎదుర్కోవచ్చు. ఈ నేపథ్యంలోనే వ్యాధికి గల కారణాలు, చికిత్స, పరీక్షావిధానం, నివారణపై విద్యార్థులకు అవగాహన కల్పించడంలో భాగంగానే తాజా ఆదేశాలిచ్చారు.

అమలు ఇలా..

• రాష్ర్టాల్లోని పదో తరగతి పాఠ్యాంశాల్లో సికిల్‌ సెల్‌ ఎనీమియాను పాఠ్యాంశంగా చేరుస్తారు.
• పాలిటెక్నిక్‌ కాలేజీలు ఇతర వృత్తివిద్యా కాలేజీల్లో డిప్లొమా కోర్సుగా ప్రవేశపెడతారు.
• పారామెడికల్‌, ఆయుర్వేద, హోమియోపతి, సిద్ధ, నేచురోపతి, యోగా, యునాని, నర్సింగ్‌ కాలేజీల్లోను ఒక సబ్జెక్టుగా ఏర్పాటుచేస్తారు.
• సెంట్రల్‌ యూనివర్సిటీలు, రాష్ట్రస్థాయి యూనివర్సిటీలు, ప్రైవేట్‌, డీమ్డ్‌ యూనివర్సిటీల్లోనూ కోర్సులను ప్రవేశపెట్టవచ్చు.