సన్నబియ్యానికి సర్వర్‌ కష్టాలు..రేషన్‌ షాపుల ముందు జనం బారులు!.. ఫొటో గ్యాలరి

గతంలో 10 నిమిషాల్లో అయిపోయేది ఇప్పుడు ఒక్కో కార్డుకు 30 నిమిషాల సమయం పడుతున్నది

రేషన్‌ దుకాణాల పేరెత్తితో జనం విసిగిపోతున్నారు. సన్న బియ్యం కోసం గంటల తరబడి నిలబెడుతున్నారని మండిపడుతున్నారు. తెల్లవారగానే.. సంచులు పట్టుకుని బారులు తీరాల్సిన పరిస్థితి నెలకొన్నదని భగ్గుమంటున్నారు. పనులు మానుకుని బియ్యం కోసం వేచి చూడాల్సిన పరిస్థితులు వచ్చాయని అసహనం వ్యక్తంచేస్తున్నారు. సాధారణంగా రేషన్‌ దుకాణాల వద్ద బియ్యం తీసుకునేందుకు అరగంట వరకు పట్టేదని, ఇప్పుడు గంటల తరబడి లైన్‌లలో నిలబడాల్సి వస్తున్నదని ఆగ్రహంగా చెప్తున్నారు.

ఒక్కో నెల బియ్యం కోసం రెండేసి సార్లు వేలిముద్ర (థంబ్‌) వేయాల్సి వస్తున్నదని, మొత్తం మూడు నెలల బియ్యానికి ఆరుసార్లు థంబ్‌ పెట్టాల్సి వస్తున్నదని విసుగు చెందుతున్నారు. లైన్‌లో తమవంతు వచ్చాక తక్కువలో తక్కువ అరగంట సమయం తీసుకుంటున్నదని చెప్తున్నారు. సర్వర్‌ సరిగా పనిచేయక ఇబ్బందులు ఎదుర్కొంటున్నామని, అన్నీ కలిపి ఒకే స్లిప్పుగా ఇస్తే కొంచెమైనా ఇబ్బందులు తగ్గుతాయని అంటున్నారు.

 

ప్రస్తుతం కేంద్ర, రాష్ట్ర ప్రభుత్వాలు మూడు నెలలకు సంబంధించిన రేషన్‌ బియ్యాన్ని ఒకేసారి ఇస్తుండటం లబ్ధిదారులకు కొత్త కష్టాలు తెచ్చిపెట్టింది. గత నెల వరకు రేషన్‌ కోసం వెళ్తే.. బయట లైన్‌లో 15 నిమిషాలు నిలబడితే సరిపోయేది. నేరుగా సర్వర్‌ చెంతకు వచ్చేవారు. అక్కడ సర్వర్‌ మెషిన్‌లో ఒకసారి వేలిముద్రలు పెట్టి.. వచ్చే కోటా బియ్యాన్ని అదే సమయంలో తూకం చేసి ఇచ్చేసేవారు.

 

 

 

ఇంతవరకు బాగానే ఉన్నా.. రేషన్‌ బియ్యం పంపిణీలో కేంద్ర, రాష్ట్ర ప్రభుత్వాల వాటా ఉన్నది. మూడు నెలలకు కలిపి 36 కిలోల బియ్యంలో కేంద్రం 30 కిలోలు, రాష్ట్రం 6 కిలోలు ఇస్తున్నది.

సికింద్రాబాద్ మరియు కంటోన్మెంట్ ప్రాంతాల లోని రేషన్ దుకాణాల వద్ద పరిస్థితి

శంకర్ పల్లి లో కొన్ని డీలర్ షాపులు ఓపెన్ చెయ్యలేదు బియ్యం కోసం వచ్చిన ప్రజలు సంచులను క్యూ లైన్ లో పెట్టిన దృశ్యం