గ్రామాల్లోనూ టీఎస్‌బీపాస్‌

ప్రస్తుత ఆర్థిక సంవత్సరంలో హైదరాబాద్‌ నుంచి వరంగల్‌ వరకు సెమీ హైస్పీడ్‌ రైలు నెట్‌వర్క్‌ ఏర్పాటు సాధ్యాసాధ్యాలపై అధ్యయనం చేయాలని మున్సిపల్‌ శాఖ నిర్ణయించింది. రాజధానితో ద్వితీయ శ్రేణి నగరాలను వేగంగా అనుసంధానించటానికి ఉన్న అవకాశాలపై కూడా అధ్యయనం చేపట్టనున్నది.

• హైదరాబాద్‌ – వరంగల్‌ మధ్య సెమీ హైస్పీడ్‌ రైలు
• సాధ్యాసాధ్యాలపై ఈ ఆర్థిక సంవత్సరమే అధ్యయనం
• కేపీహెచ్‌బీ – కోకాపేట వరకు ఎలివేటెడ్‌ బీఆర్‌టీఎస్‌
• 2023 మార్చి నాటికి ఎలక్ట్రిక్‌ కారు ఈ-రేసింగ్‌
• మున్సిపల్‌ శాఖ వార్షిక నివేదికలో లక్ష్యాలు

ప్రస్తుత ఆర్థిక సంవత్సరంలో హైదరాబాద్‌ నుంచి వరంగల్‌ వరకు సెమీ హైస్పీడ్‌ రైలు నెట్‌వర్క్‌ ఏర్పాటు సాధ్యాసాధ్యాలపై అధ్యయనం చేయాలని మున్సిపల్‌ శాఖ నిర్ణయించింది. రాజధానితో ద్వితీయ శ్రేణి నగరాలను వేగంగా అనుసంధానించటానికి ఉన్న అవకాశాలపై కూడా అధ్యయనం చేపట్టనున్నది. రాష్ట్రంలోని మున్సిపాలిటీలు, నగరాల్లో టీఎస్‌ బీపాస్‌ విజయవంతంగా అమలు చేస్తున్న నేపథ్యంలో గ్రామ పంచాయతీల్లో భవన నిర్మాణ అనుమతులను కూడా టీఎస్‌బీపాస్‌ పరిధిలోకి తేవాలని నిర్ణయించింది. ప్రస్తుతం ఆర్థిక సంవత్సరంలో చేయబోయే పనులు, ప్రణాళిక వివరాలను మున్సిపల్‌ శాఖ తన వార్షిక నివేదికలో వెల్లడించింది. శుక్రవారం మున్సిపల్‌ శాఖ మంత్రి కే తారకరామారావు విడుదల చేసిన నివేదికలోని ముఖ్యాంశాలు..
– హైదరాబాద్‌, నమస్తే తెలంగాణ

గ్రేటర్‌ హైదరాబాద్‌లో..

• గ్రేటర్‌ హైదరాబాద్‌ పరిధిలో ట్రాఫిక్‌ నియంత్రణకు వ్యూహాత్మక రోడ్ల అభివృద్ధి ప్రాజెక్టు (ఎస్‌ఆర్డీపీ)లో భాగంగా ఇప్పటివరకు రూ.671 కోట్లతో 8 ప్రాజెక్టులు పూర్తిచేశారు.
• హైదరాబాద్‌ రోడ్‌ డెవలప్‌మెంట్‌ కార్పొరేషన్‌ లిమిటెడ్‌ (హెచ్‌ఆర్‌డీసీఎల్‌) మొదటి దశలో 24.35 కిలోమీటర్ల మేర 22 లింక్‌ రోడ్లు నిర్మించారు.
• మూసీనదిపై రూ.545 కోట్లతో 14 బ్రిడ్జీల నిర్మాణానికి ప్రభుత్వం పరిపాలనా అనుమతులిచ్చింది. వీటి పనులు త్వరలో ప్రారంభమవుతాయి.
• కాంప్రహెన్సివ్‌ రోడ్‌ మెయింటెనెన్స్‌ (సీఆర్‌ఎంపీ)లో భాగంగా 2021-22లో రూ.293.93 కోట్లతో 227 కిలోమీటర్ల రోడ్ల నిర్వహణ చేపట్టారు. 599 కిలోమీటర్ల రోడ్ల మరమ్మతుల కోసం రూ.417 కోట్లు ఖర్చుచేశారు.
• ఉస్మాన్‌సాగర్‌ వద్ద పార్కు నిర్మాణానికి రూ.35 కోట్లు వెచ్చిస్తున్నారు.
• ఉప్పల్‌, మోహదీపట్నంలో రూ.62 కోట్లతో ైస్కె వాక్‌లు చేపట్టారు.
• రూ.100 కోట్లతో ఔటర్‌ రింగ్‌ రోడ్డుపై ఎల్‌ఈడీ విద్యుత్తు దీపాలు. ఓఆర్‌ఆర్‌ వెంట సర్వీసు రోడ్ల వెడల్పు కోసం రూ.312 కోట్లు .
• ప్రస్తుత ఆర్థిక సంవత్సరంలో ఓఆర్‌ఆర్‌పై 21 కిలోమీటర్ల మేర సోలార్‌ ప్యానెల్స్‌తో దీపాల ఏర్పాటు. మరో 9 నెలల్లో ఈ ప్రాజెక్టు పూర్తి.
• వ్యూహాత్మక నాలాల అభివృద్ధి కోసం రూ.985 కోట్లు.
• జీహెచ్‌ఎంసీ భవనాలు, రోడ్ల సేకరణకు రూ.3,500 కోట్ల ట్రాన్స్‌ఫర్‌ డెవలప్‌మెంట్‌ రైట్‌ బ్యాంకు (టీడీఆర్‌) విడుదల.

సమీకృత వెజ్‌, నాన్‌వెజ్‌ మార్కెట్లు

• ప్రజలకు అవసరమైన పండ్లు, కూరగాయలు, మాంసం, చేపలు, పూలు ఒకేచోట లభించేలా సమీకృత వెజ్‌, నాన్‌ వెజ్‌ మార్కెట్ల నిర్మాణం. వీటి కోసం బడ్జెట్‌లో రూ.500 కోట్లు కేటాయింపు.
• 25 వేల కంటే తక్కువ జనాభా ఉన్న 57 పట్టణాల్లో రూ.2 కోట్లతో ఒక్కో మార్కెట్‌ నిర్మాణం. 25 వేల కంటే ఎక్కువ జనాభా ఉన్న 81 పట్టణాల్లో ఒక్కో మార్కెట్‌ నిర్మాణానికి రూ.4.50 కోట్లు.
• లక్ష కంటే ఎక్కువ జనాభా ఉన్న నగరాల్లో ప్రతి లక్ష జనాభాకు ఒక మార్కెట్‌ చొప్పున గరిష్ఠంగా ఐదు నిర్మాణం.
• ఇప్పటికే సిద్దిపేట, సిరిసిల్ల, గజ్వేల్‌, మంథని, ధర్మపురిలో అందుబాటులో మార్కెట్లు.

1. 139 మార్కెట్లకు గుర్తించిన స్థలాలు
2. 6 ఏర్పాటైన మార్కెట్లు
3. 139 పాలనాపరమైన అనుమతులు వచ్చినవి
4. 139 టెండర్ల ఖరారైనవి
5. 73 నిర్మాణం ప్రారంభించినవి

ఎఫ్‌ఎస్‌టీపీలు..

• 71 మున్సిపాలిటీలు, నగరపాలక సంస్థల్లో రూ.250.73 కోట్లతో 1,565 కిలో లీటర్‌ పర్‌ డే (కేఎల్‌డీ) సామర్థ్యంతో ఫీకల్‌ స్లడ్జ్‌ ట్రీట్‌మెంట్‌ ప్లాంట్ల (ఎఫ్‌ఎస్‌టీపీ) ఏర్పాటు. వీటిలో ఇప్పటికే 16 పూర్తి. నిర్మాణ దశలో 14. వివిధ దశల్లో మరో 41 ఎఫ్‌ఎస్‌టీపీలు.
• కొత్తగా ఏర్పాటైన 68 యూఎల్‌బీల్లో ఎఫ్‌ఎస్‌టీపీల ఏర్పాటుకు టెండర్లు. 496 కేఎల్‌డీ సామర్థ్యంతో రూ.177.33 కోట్ల అంచనా వ్యయంతో నిర్మాణం.

వీధి వ్యాపారులకు అండగా..

• ప్రధానమంత్రి స్వనిధి పథకంలో నంబర్‌ వన్‌గా తెలంగాణ.
• 40 లక్షలకు మించి జనాభా ఉన్న నగరాల జాబితాలో హైదరాబాద్‌.
• 10 లక్షల నుంచి లక్ష లోపు జనాభా ఉన్న పట్టణాల్లో తొమ్మిది, లక్ష లోపు జనాభా ఉన్న పట్టణాల్లో పదికి పది తెలంగాణ పట్టణా నంబర్‌ వన్‌.
• రాష్ట్రంలో 618 స్ట్రీట్‌ వెండింగ్‌ జోన్స్‌లో 2,561 షెడ్స్‌ నిర్మించాలని లక్ష్యం. ఇప్పటికే 1,259 పూర్తి. నిర్మాణ దశలో మరో 1,392.

రుణాలు పొందిన వీధి వ్యాపారులు

• 83,666 2020 ఫిబ్రవరి నాటికి రిజిస్టర్‌ అయిన వీధి వ్యాపారులు
• 6,02,578 ప్రస్తుతం వీధి వ్యాపారుల సంఖ్య
• 3.40లక్షలు మొదటి విడత రుణాల లక్ష్యం
• 3.44లక్షలు రుణాలు పొందిన వారు
• 1.52లక్షలు రెండో విడత రుణాల లక్ష్యం
• 34,583 రెండో రుణాలు పొందిన వారు

టీఎస్‌ బీపాస్‌లో..

• 2020 నవంబర్‌లో ప్రారంభమైన టీఎస్‌ బీపాస్‌ ద్వారా ఇప్పటివరకు లక్షకు పైగా దరఖాస్తుల పరిష్కారం. వీటి ద్వారా స్థానిక సంస్థలకు వచ్చిన ఆదాయం రూ.1,030 కోట్లు.
• 2021-22 ఆర్థిక సంవత్సరంలో 138 మిలియన్‌ చదరపు అడుగులకు అనుమతులు. 75 గజాలలోపు ఉన్న 9,752 దరఖాస్తులకు తక్షణ అనుమతులు.

2021-22లో సాధించిన లక్ష్యాలు

• ఎస్‌ఆర్‌డీపీలో భాగంగా రూ.671 కోట్ల విలువైన ఎనిమిది రోడ్ల నిర్మాణం.
• రూ.111.97 కోట్లతో 6.69 కిలోమీటర్ల నిడివిగల ఏడు గ్రీన్‌ ఫిల్డ్‌ మిస్సింగ్‌ లింక్‌ రోడ్లు పూర్తి.
• కోకాపేట్‌లోని 49 ఎకరాల స్థలాన్ని ఈ-వేలం వేయగా రూ.2 వేల కోట్ల ఆదాయం.
• ఫతుల్లాగూడ, జీడిమెట్లలో ఒక్కొక్కటి 500 టన్‌ పర్‌ డే సామర్థ్యంతో సీవరేజీ ప్లాంట్లు ఏర్పాటు.
• జీహెచ్‌ఎంసీ పరిధిలో 53.03 డోసుల లక్షల కొవిడ్‌ -19 వాక్సినేషన్‌.
• స్వచ్ఛ సర్వేక్షణ్‌ -2021లో జీహెచ్‌ఎంసీకి స్వీయ పోషక మెగాసిటీ అవార్డు.
• చెత్త, వ్యర్థాల రహిత నగరాల్లో త్రీ స్టార్‌ రేటింగ్‌తో జీహెచ్‌ఎంసీకి అవార్డు.
• సీడీఎంఏ ఆధ్వర్యంలో 123 పట్టణ స్థానిక సంస్థలను 9 క్లస్టర్లుగా విభజించి వ్యర్థాల బయోమైనింగ్‌.
• 106 పట్టణ స్థానిక సంస్థలకు ఓడీఎఫ్‌ ప్లస్‌ రేటింగ్‌. 8 పట్టణ స్థానిక సంస్థలకు ఓడీఎఫ్‌ ప్లస్‌ రేటింగ్‌.
• సఫాయి మిత్ర సురక్ష ఛాలెంజ్‌లో హైదరాబాద్‌కు రెండోస్థానం.
• హైదరాబాద్‌కు వరుసగా రెండోసారి అర్బన్‌ డే ఫౌండేషన్‌ వారి ట్రీ సిటీ ఆఫ్‌ ది వరల్డ్‌ ట్యాగ్‌ అవార్డు.
• హరితహాతరంలో భాగంగా నాటిన మొక్కలు 6.34 కోట్లు.

వైకుంఠ ధామాలు

• ప్రతి పట్టణంలో హైదరాబాద్‌లోని మహాప్రస్థానం తరహాలో వైకుంఠధామాల నిర్మాణానికి రూ.200 కోట్లు కేటాయింపు.
• 50 వేల కంటే తక్కువ జనాభా ఉన్న 99 పట్టణాల్లో ఒక్కో వైకుంఠ ధామానికి రూ.కోటి.
• 50 వేల నుంచి లక్ష జనాభా ఉన్న 29 పట్టణాల్లో రెండు చొప్పున నిర్మాణం. లక్ష నుంచి మూడు లక్షల జనాభా ఉన్న నగరాల్లో ఒక దానికి రూ.కోటి, మరో దానికి రూ.2 కోట్లు కేటాయింపు.
• మూడు లక్షలకు పైగా జనాభా ఉన్న నాలుగు నగరాల్లో ఒక్కోటి రూ.2 కోట్ల వ్యయంతో రెండు వైకుంఠధామాల నిర్మాణం.
• 96 యూఎల్‌బీలకు 117 పరమపద వాహనాలు.

వైకుంఠ ధామాల వివరాలు

• రాష్ట్రంలోని శ్మశాన వాటికలు 1,333
• టెండర్‌ దశలో ఉన్నవి 196
• వైకుంఠ ధామాలుగా మార్చినవి 265
• 498 నిర్మాణానికి అనుమతులు పొందినవి
• నిర్మాణం పనులు మొదలైవి 232

2022-23 లక్ష్యాలు

• 2023 ఫిబ్రవరి – మార్చి నాటికి ఎలక్ట్రిక్‌ కారు ఛాంపియన్‌ షిప్‌ ఫార్ములా ఈ-రేసింగ్‌ నిర్వహణకు ఏర్పాట్లు.
• ఓఆర్‌ఆర్‌ వెంట సోలార్‌ కవర్‌ రూపింగ్‌తో 21కిలోమీటర్ల దూరం సైకిల్‌ ట్రాక్‌ నిర్మాణం. నానక్‌రాం గూడ నుంచి టీఎస్‌పీఏ వరకు, నార్సింగ్‌ నుంచి కొల్లూరు వరకు ప్రధాన రోడ్డు-సర్వీసు రోడ్డు మధ్య 4.5 మీటర్ల వెడల్పు ట్రాక్‌.
• హైదరాబాద్‌లో 22 మిస్సింగ్‌ లింక్‌ రోడ్ల నిర్మాణం పూర్తి చేసి, జీహెచ్‌ఎంసీ పరిధి, దీనిని ఆనుకొని ఉన్న పట్టణాల్లో 104 రోడ్లను పూర్తి చేయడం.
• హైదరాబాద్‌లో 100 శాతం మురుగు నీటిని శుద్ధి చేయడానికి 31 ఎస్‌టీపీల నిర్మాణం.
• జవహర్‌నగర్‌లో ప్రస్తుతమున్న 19.8 మెగావాట్ల వేస్ట్‌ టు ఎనర్జీ ప్లాంట్‌ సామర్థ్యాన్ని 48 మెగావాట్లకు పెంచడం. దుండిగల్‌లో 14.5 మెగవాట్ల కొత్త డబ్లూటీఈ ఏర్పాటు.
• కేపీహెచ్‌బీ నుంచి కోకాపేట వరకు 29 కిలోమీటర్ల వరకు ఎలివేటెడ్‌ బీఆర్‌టీఎస్‌.