ఏపీపీ పోస్టులకు ఎస్సీ రిజర్వేషన్‌.. కొత్త క్యాస్ట్‌ సర్టిఫికెట్‌ అప్‌లోడ్‌ చేయాలి

తెలంగాణ రాష్ట్ర పోలీస్‌ రిక్రూట్‌మెంట్‌ బోర్డు (టీఎస్‌ఎల్‌పీఆర్బీ) ద్వారా అసిస్టెంట్‌ పబ్లిక్‌ ప్రాసిక్యూటర్‌ (ఏపీపీ) పోస్టులకు దరఖాస్తు చేసుకునే ఎస్సీ అభ్యర్థులకు రిజర్వేషన్‌ వర్తిస్తుందని బోర్డు చైర్మన్‌ వీవీ శ్రీనివాసరావు తెలిపారు.

• టీఎస్‌ఎల్‌పీఆర్బీ చైర్మన్‌ స్పష్టీకరణ

హైదరాబాద్‌, సెప్టెంబర్‌ 19 (నమస్తే తెలంగాణ) : తెలంగాణ రాష్ట్ర పోలీస్‌ రిక్రూట్‌మెంట్‌ బోర్డు (టీఎస్‌ఎల్‌పీఆర్బీ) ద్వారా అసిస్టెంట్‌ పబ్లిక్‌ ప్రాసిక్యూటర్‌ (ఏపీపీ) పోస్టులకు దరఖాస్తు చేసుకునే ఎస్సీ అభ్యర్థులకు రిజర్వేషన్‌ వర్తిస్తుందని బోర్డు చైర్మన్‌ వీవీ శ్రీనివాసరావు తెలిపారు. ఏపీపీ పోస్టులకు ఈ నెల 12 నుంచి అక్టోబర్‌ 5 సా॥ 5 గంటల వరకు ఆన్‌లైన్‌లో దరఖాస్తులు స్వీకరిస్తామని వెల్లడించారు.

రిజర్వేషన్‌ కోసం ఎస్సీ క్యాటగిరీ అభ్యర్థులు తప్పనిసరిగా ఈ ఏడాది ఏప్రిల్‌ 14 తర్వాత ప్రభుత్వం జారీచేసిన కమ్యూనిటీ సర్టిఫికెట్‌ను అప్‌లోడ్‌ చేయాలని తెలిపారు. ఇప్పటికే దరఖాస్తు చేసుకున్న అభ్యర్థులు సర్టిఫికెట్ల వెరిఫికేషన్‌ సమయంలో తప్పనిసరిగా కొత్త క్యాస్ట్‌ సర్టిఫికెట్‌ సమర్పించాలని చెప్పారు.