Visit:
హైదరాబాద్‌, నవంబర్‌ 30 (నమస్తే తెలంగాణ): అభివృద్ధి విషయంలో తమ పోటీ జపాన్‌, జర్మనీ, చైనా, సింగపూర్‌, సౌత్‌ కోరియాతోనేనని సీఎం రేవంత్‌రెడ్డి తెలిపారు. ఏపీ, తమిళనాడు, కర్ణాటకతో అసలు పోటీ లేలే లేదని చెప్పారు. ఈ మేరకు ఆదివారం తెలంగాణ రైజింగ్‌-2047 పాలసీ రూపకల్పన, గ్లోబల్‌ సమ్మిట్‌ అంశాలపై సచివాలయంలో సమీక్ష నిర్వహించారు. అనంతరం సీఎం రేవంత్‌రెడ్డి మాట్లాడుతూ ఈ నెల 9న విజన్‌-2047 డాక్యుమెంట్‌ను జాతికి అంకితం ఇవ్వనున్నట్టు తెలిపారు. ఏయే రంగాల్లో ఏం చేయబోతున్నామో డాక్యుమెంట్‌లో పొందుపరిచినట్టు చెప్పారు.
హైదరాబాద్‌ను మూడు విభాగాలుగా విభజించినట్టు వెల్లడించారు. ఓఆర్‌ఆర్‌ లోపలి భాగాన్ని కోర్‌ అర్బన్‌ రీజియన్‌ (క్యూర్‌)గా, ఆర్‌ఆర్‌ఆర్‌ లోపలి భాగాన్ని పెరీ అర్బన్‌ రీజియన్‌(ప్యూర్‌)గా, ఆర్‌ఆర్‌ఆర్‌ అవతలి భాగాన్ని రూరల్‌ అగ్రికల్చర్‌ రీజియన్‌(రేర్‌)గా గుర్తించినట్టు వివరించారు. రాష్ట్రంలో మరో నాలుగు కొత్త ఏయిర్‌పోర్టులు వస్తాయని చెప్పారు. ఇక నేటి నుంచి కాంగ్రెస్‌ రెండేండ్ల పాలన ఉత్సవాలు ప్రారంభించనున్నట్టు తెలిపారు.
