అందెశ్రీ సేవలకు గుర్తింపు.. ఆయన కుమారుడికి అసిస్టెంట్ ప్రొఫెసర్గా ఉద్యోగం : భట్టివిక్రమార్క
‘జయ జయహే తెలంగాణ’ గీతంతో రాష్ట్ర ప్రజలను ఏకం చేయడంలో ప్రముఖపాత్ర పోషించిన అందెశ్రీ సేవలను ప్రభుత్వం గుర్తించి వారి కుటుంబంలో ఒకరికి ప్రభుత్వ ఉద్యోగం ఇవ్వాలని నిర్ణయించినట్టు డిప్యూటీ సీఎం భట్టి విక్రమార్క సోమవారం శాసనమండలిలో వెల్లడించారు.
హైదరాబాద్, జనవరి 5(నమస్తే తెలంగాణ) : ‘జయ జయహే తెలంగాణ’ గీతంతో రాష్ట్ర ప్రజలను ఏకం చేయడంలో ప్రముఖపాత్ర పోషించిన అందెశ్రీ సేవలను ప్రభుత్వం గుర్తించి వారి కుటుంబంలో ఒకరికి ప్రభుత్వ ఉద్యోగం ఇవ్వాలని నిర్ణయించినట్టు డిప్యూటీ సీఎం భట్టి విక్రమార్క సోమవారం శాసనమండలిలో వెల్లడించారు. సిద్దిపేట జిల్లా రేబర్తి గ్రామంలో అందెశ్రీ పశువుల కాపరిగా ఎన్నో కష్టనష్టాలు ఓర్చి గీత రచయితగా ఎదిగారని గుర్తుచేశారు. తెలంగాణ ఉద్యమ సమయంలో ఆయన రచించిన ‘జయ జయ హే తెలంగాణ’ గీతం రాష్ట్ర ప్రజలను ఏకం చేయడంలో ప్రముఖపాత్ర పోషించిందని తెలిపారు. అందెశ్రీ అకాల మరణంతో ఆయన కుటుంబాన్ని ఆదుకోవడం బాధ్యతగా భావించి వారి కుమారుడు దత్తసాయికి డిగ్రీ కళాశాలలో అసిస్టెంట్ ప్రొఫెసర్గా నియమించినట్టు తెలిపారు. 25 నవంబర్ 2025న ఆర్డినెన్స్-7 ద్వారా ఉద్యోగ నియామకం చేశామని, ఆ రోజు శాసనమండలి సమావేశంలో లేనందున ఈ ఆర్డినెన్స్ను సోమవారం అందరితో ఏకగ్రీవంగా ఆమోదించుకోవడం హర్షణీయమని భట్టివిక్రమార్క తెలిపారు.
మధిరలో హత్యారాజకీయాలు
- డిప్యూటీ సీఎం భట్టి విక్రమార్కపై వామపక్ష నేతల ధ్వజం
హైదరాబాద్, జనవరి 5 (నమస్తే తెలంగాణ): ఖమ్మం జిల్లా మధిర నియోజకవర్గం లో తన రాజకీయ ఆధిపత్యాన్ని కాపాడుకునేందుకు డిప్యూటీ సీఎం మల్లు భట్టి విక్రమార్క హత్యా రాజకీయాలను ప్రోత్సహిస్తున్నారని వామపక్ష నేతలు ఆగ్రహం వ్యక్తం చేశారు. సీపీఎం నాయకుడు సామినేని రా మారావు హత్య కేసు దర్యాప్తులో పోలీసులు విఫలమయ్యారని, నిజమైన హంతకులను పట్టుకోకుండా ఆయన కుటుంబసభ్యులను వేధిస్తూ కేసును పకదారి పట్టిస్తున్నారని ధ్వజమెత్తారు. హైదరాబాద్లో జరిగిన రౌండ్ టేబుల్ సమావేశంలో సీపీఐ రాష్ట్ర కార్యదర్శి, కొత్తగూడెం ఎమ్మెల్యే కూనంనేని సాంబశివరావు మాట్లాడుతూ.. హత్యా రాజకీయాలపై అసెంబ్లీలో ప్రస్తావించడంతోపాటు వామపక్షాల ఆధ్వర్యంలో రాష్ట్రవ్యాప్తంగా ఐక్య ఉద్యమానికి సిద్ధమవుతామని హెచ్చరించారు.
సామినేని రామారావు హత్యను డిప్యూటీ సీఎం ఖండించినప్పటికీ, ఆ తర్వాత పోలీసులకు వత్తాసు పలుకుతున్నారని సీపీఎం రాష్ట్ర కార్యదర్శి జాన్వెస్లీ ఆరోపించారు. రైతు ఉద్యమ నాయకుడు సామినేని రామారావును హత్య చేయడం దుర్మార్గమని మాజీ ఎమ్మెల్యే గు మ్మడి నరసయ్య మండిపడ్డారు. సీపీఎం రాష్ట్ర కార్యదర్శివర్గ సభ్యుడు, మాజీ ఎమ్మెల్యే జూలకంటి రంగారెడ్డి మాట్లాడుతూ.. రామారావు హంతకులను పట్టుకోవాలన్న చిత్తశుద్ధి ప్రభుత్వానికి ఏమాత్రం లేదని విమర్శించారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Harish Rao | దమ్ముంటే నువ్వే సిద్దిపేటలో నా మీద పోటీ చెయ్.. సీఎం రేవంత్ రెడ్డికి హరీశ్ రావు సవాల్
Negligence | ఇందిరమ్మ ఇళ్ల ప్రారంభోత్సవంలో అధికారుల నిర్లక్ష్యం..సర్పంచును పక్కనపెట్టి ప్రారంభోత్సవం
సాగర్ నీటి వనరుల పరిరక్షణ, ప్రాజెక్టు భద్రతపై రిటైర్డ్ ఇంజనీర్ల బృందం పరిశీలన
O.M Review | ధనుష్ ‘ఓం’ రివ్యూ.. ఎర్రచందనం స్మగ్లింగ్ నేపథ్యంలో వచ్చిన సినిమా ఎలా ఉందంటే!
Kotha Prabhakar Reddy | సీఎం హుందాతనాన్ని కాపాడుకోవాలి: ఎమ్మెల్యే కొత్త ప్రభాకర్ రెడ్డి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

