సొసైటీలో జరుగుతున్నదేమిటి?

రాష్ట్రంలో మైనార్టీ, బీసీ, ఎస్టీ, ఎస్సీ, జనరల్‌ కలుపుకొని మొత్తం 1022 పైగా గు రుకులాలున్నా ఒక్క ఎస్సీ సొసైటీలోనే అనేక వివాదాలు చెలరేగుతున్నాయి.

• 3 నెలలుగా అర్థం కాని పరిస్థితి!
• ప్రభుత్వ విధానమా? సొంత నిర్ణయమా?
• ఓ వైపు విద్యార్థులకు అసౌకర్యాలు
• మరోవైపు ఆందోళనలో గురువులు
• నిర్ణయాల్లో ఓ ఉన్నతాధికారి కీరోల్‌
• ఇటీవల డిప్యూటీ సీఎం చీవాట్లు

హైదరాబాద్‌, సెప్టెంబర్‌ 4 (నమస్తే తెలంగాణ) : రాష్ట్రంలో మైనార్టీ, బీసీ, ఎస్టీ, ఎస్సీ, జనరల్‌ కలుపుకొని మొత్తం 1022 పైగా గు రుకులాలున్నా ఒక్క ఎస్సీ సొసైటీలోనే అనేక వివాదాలు చెలరేగుతున్నాయి. 3నెలలుగా తారాస్థాయికి చేరాయి. ఇటీవల ఫుడ్‌ పాయిజన్‌ ఘటనలు, విద్యార్థుల మరణాలు రాష్ట్రమంతటా ఆందోళన కలిగించగా, తాజాగా ఎస్సీ గురుకుల సొసైటీలోని ఉద్యోగులు వివిధ అంశాలపై రోడ్డెక్కడం చర్చనీయాంశమైంది. ఈ సొసైటీపై తీవ్ర స్థాయిలో విమర్శలు వెల్లువెత్తుతున్నా సర్కారు స్పందించకపోవడం అనేక అనుమానాలకు తావిస్తున్నది. వివాదాలకు దారితీస్తున్న నిర్ణయాలన్నీ ప్రభుత్వానివేనా? లేక సొసైటీ సెక్రటరీ, ఉన్నతాధికారుల సొంత విధానాలా? అని ఉద్యోగ, ఉపాధ్యా య యూనియన్లు చర్చించుకుంటున్నాయి.

వరుసగా వివాదాలు

•  ఎస్సీ సొసైటీ పరిధిలో ఇటీవల వరుస ఫుడ్‌ పాయిజన్‌ ఘటనలు నమోదయ్యాయి. సమస్యలకు తాళలేక విద్యార్థులే రోడ్డెక్కుతున్న దుస్థితి నెలకొన్నది.
• అన్నిశాఖలు చేపట్టిన మాదిరిగానే గురుకుల సొసైటీలోనూ ఇటీవల బదిలీలు, ప్రమోషన్ల ప్రక్రియ నిర్వహించారు. కానీ ఏ సొసైటీలో లేనివిధంగా ఎస్సీ గురుకుల సొసైటీలోనే ఈ అంశం తీవ్ర వివాదాస్పదమైంది. జీవో 80 ప్రకారం వెబ్‌ కౌన్సిలింగ్‌ ద్వారా కాకుండా ఎస్సీ గురుకుల సొసైటీలో మాన్యువల్‌గా ప్రక్రియ నిర్వహించడమే అందుకు కారణమని తెలుస్తున్నది. ప్రభుత్వ ఆదేశాలకు విరుద్ధంగా ఎ లా నిర్వహించారని అడిగితే సొసైటీ వద్ద సమాధానం లేదు. అదేమంటే అసోసియేషన్ల సూచనతో చేశామని సొసైటీ ఉన్నతాధికారులు బదులిచ్చి చేతులు దులుపుకొన్నారు. బదిలీలు, ప్రమోషన్లలో అవకతవకలు జరిగాయని ఆరోపణలున్నాయి.
• రాత్రికే రాత్రే ఎస్సీ సొసైటీలోని 317 జీవో బాధిత ఉద్యోగులు, మెరిట్‌ ఆధారంగా డిస్‌ లొకేట్‌ అయినవారిని ఎలాంటి పో స్టింగ్‌ లేకుండా రిలీవ్‌ చేశారు. వారంతా ఆందోళనకు దిగారు. ధర్నాకు దిగిన ఓ టీచర్‌ను సస్పెండ్‌ చేయడంతోపాటు, 144 మంది టీచర్లకు వార్నింగ్‌ లెటర్లును జారీ చేసి మరో వివాదానికి అధికారులు తెరలేపారు. బాధిత టీచర్లందరూ ప్రజాభవన్‌, ఆపై సీఎంవో అధికారుల వరకూ వె ళ్లారు. ఆ తర్వాత సొసైటీ అధికారులు ఎక్కడి వారిని అక్కడే కొనసాగిస్తామం టూ ఆదేశాలు జారీ చేయడం గమనార్హం.
• ప్రమోషన్లు, బదిలీలు కొనసాగుతున్న క్ర మంలోనే సెలవుల మంజూరు నిబంధనలన్నింటినీ సొసైటీ అధికారులు మార్చా రు. ఆర్సీవోలు, జోనల్‌ ఆఫీసర్లకు, ఆపై జాయింట్‌ సెక్రటరీలకు మొత్తం అధికారాలను కట్టబెట్టారు. దీంతో గురుకుల ప్రిన్సిపాళ్ల నుంచి తీవ్ర వ్యతిరేకత వెల్లువెత్తుతున్నది. ఇదో వివాదాన్ని రేపింది.
• తాజాగా ఎస్సీ గురుకులాల్లోని నాన్‌ రెగ్యులర్‌ సిబ్బందిని తొలగించడం మరోవివాదానికి దారి తీసింది.
• ఇక సొసైటీ ఉన్నతాధికారులు ఏ ఆదేశాలు జారీ చేసినా అర్ధరాత్రే అమలు చేస్తున్నారు. బదిలీలు, ప్రమోషన్లకు సంబంధించినవే కాకుండా ఆఖరికి పత్రికల్లో వ చ్చిన కథనాలపై వివరణాలను సైతం అర్ధరాత్రే ఇవ్వడం గమనార్హం.

సొసైటీలో పవర్‌ సెంటర్లు..
వరుస వివాదాలకు సొసైటీ ప్రధాన కార్యాలయంలో పవర్‌ సెంటర్లుగా మారిన కొందరు ఉన్నతాధికారులే కారణమని ఉద్యోగులు బాహాటంగానే విమర్శలు గుప్పిస్తున్నారు. ప్రధానంగా సోషల్‌ వెల్ఫేర్‌ డిపార్ట్‌మెంట్‌కు చెందిన ఓ ఉన్నతాధికారిపై అనేక ఆరోపణలువస్తున్నాయి. కొత్తగా వచ్చిన సెక్రటరీని పూర్తి గా తప్పుదోవపట్టిస్తూ తప్పుడు నిర్ణయాలు తీసుకునేలా ప్రోత్సహిస్తున్నారని సిబ్బంది వి వరిస్తున్నారు. కావాల్సినవారికి ప్రధాన కార్యాలయంలోనే డిప్యూటేషన్లు ఇప్పించుకుని వారితో వ్యవహారాలన్నీ చక్కబెడుతున్నారని, ప్రశ్నిస్తే కక్షసాధింపులకు దిగుతున్నారని ఉద్యోగులు వెల్లడిస్తున్నారు. ఇటీవల సదరు ఉన్నతాధికారి అతిపై డిప్యూటీ సీఎం భట్టి ఆగ్రహం వ్యక్తం చేయడంతోపాటు, వెంటనే రిలీవ్‌ చే యాలని ఆదేశించినట్టు సమాచారం.

సర్కారు మొద్దునిద్ర
సొసైటీలో వరుస వివాదాలు తలెత్తుతున్నా సర్కారు మొద్దు నిద్ర వీడడం లేదు. జీవోలకు వ్యతిరేకంగా సొసైటీ ఉన్నతాధికారులు నిర్ణయాలు తీసుకుంటున్నా సర్కార్‌ స్పందించకపోవడంపై ఉద్యోగులు, ఉపాధ్యాయులు పెదవివిరుస్తున్నారు. సొసైటీ ఉన్నతాధికారులు సొంత నిర్ణయాలు తీసుకుంటున్నా ఎందుకు చర్యలు తీసుకోవడం లేదని ప్రశ్నిస్తున్నారు.