కమర్షియల్‌ ట్యాక్స్‌ కార్యదర్శిగా రఘునందన్‌రావు
వాణిజ్య పన్నులశాఖ కార్యదర్శిగా ఐఏఎస్‌ అధికారి రఘునందన్‌రావును ప్రభుత్వం నియమించింది. ప్రస్తుత కార్యదర్శి సయ్యద్‌ అలీ ముర్తజా రిజ్వి స్వచ్చంద పదవీ విరమణ(వీఆర్‌ఎస్‌) చేయడంతో ఆయన స్థానంలో రఘునందన్‌రావుకు అదనపు బాధ్యతలను అప్పగించింది. ఈ మేరకు పలువురు ఐఏఎస్‌ అధికారులను బదిలీ చేస్తూ ప్రభుత్వ ప్రధానకార్యదర్శి రామకృష్ణారావు బుధవారం ఉత్తర్వులు జారీచేశారు.
- దేవాదాయ శాఖ డైరెక్టర్‌ శైలజా రామయ్యర్‌ సైతం బదిలీ
- పలువురు ఐఏఎస్‌లకు స్థానచలనం
హైదరాబాద్‌, అక్టోబర్‌ 22 (నమస్తే తెలంగాణ): వాణిజ్య పన్నులశాఖ కార్యదర్శిగా ఐఏఎస్‌ అధికారి రఘునందన్‌రావును ప్రభుత్వం నియమించింది. ప్రస్తుత కార్యదర్శి సయ్యద్‌ అలీ ముర్తజా రిజ్వి స్వచ్చంద పదవీ విరమణ(వీఆర్‌ఎస్‌) చేయడంతో ఆయన స్థానంలో రఘునందన్‌రావుకు అదనపు బాధ్యతలను అప్పగించింది. ఈ మేరకు పలువురు ఐఏఎస్‌ అధికారులను బదిలీ చేస్తూ ప్రభుత్వ ప్రధానకార్యదర్శి రామకృష్ణారావు బుధవారం ఉత్తర్వులు జారీచేశారు.
- దేవాదాయ శాఖ డైరెక్టర్‌(ఎఫ్‌ఏసీ) శైలజా రామయ్యర్‌ను ప్రభుత్వం బదిలీ చేసింది. ఆమె స్థానంలో జెన్నో సీఎండీ హరీశ్‌కు అదనపు బాధ్యతలను అప్పగించింది. దేవాదాయశాఖ మంత్రి కొండా సురేఖ ఓఎస్డీ సుమంత్‌ వ్యవహారం మరువకముందే ఆ శాఖ డైరెక్టర్‌ శైలజా రామయ్యర్‌ బదిలీ కావడం చర్చనీయాంశంగా మారింది.
- గనులు, భూగర్భ శాఖ డైరెక్టర్‌ వల్లూరి క్రాంతిని బదిలీ చేసిన ప్రభుత్వం ఆ స్థానంలో ఐటీ శాఖ డిప్యూటీ సెక్రటరీ భవేశ్‌మిశ్రాకు అదనపు బాధ్యతలను అప్పగించింది.
- సిద్దిపేట అడిషనల్‌ కలెక్టర్‌(లోకల్‌ బాడీస్‌)గా ఉన్న గరిమా అగర్వాల్‌ను రాజన్న సిరిసిల్ల జిల్లా అడిషనల్‌ కలెక్టర్‌(లోకల్‌ బాడీస్‌)గా నియమించింది.
Read Today's Latest Telangana News in Telugu and Telugu News
- Follow Us :
-
