ఓటరు నమోదును విస్తృతంగా చేపట్టాలి

పట్టభద్రుల ఎమ్మెల్సీ ఎన్నికల్లో విజయానికి ఓటరు నమోదే అత్యంత కీలకమని, అందుకోసం ఓ టరు నమోదును విస్తృతంగా చేపట్టాలని మాజీ మంత్రి పువ్వాడ అజయ్‌కుమార్‌ సూ చించారు.

• ‘పాలెం’ నేతలతో మాజీ మంత్రి పువ్వాడ అజయ్‌కుమార్‌

రఘునాథపాలెం, నవంబర్‌ 2 : పట్టభద్రుల ఎమ్మెల్సీ ఎన్నికల్లో విజయానికి ఓటరు నమోదే అత్యంత కీలకమని, అందుకోసం ఓ టరు నమోదును విస్తృతంగా చేపట్టాలని మాజీ మంత్రి పువ్వాడ అజయ్‌కుమార్‌ సూ చించారు. ఖమ్మం నియోజకవర్గంలోని ప్రతి పట్టభద్రుడినీ కలిసి వివరాలు సేకరించి ఓటరుగా నమోదుచేయించాలని కోరారు.

ఖమ్మం వరంగల్‌ నల్లగొండ పట్టభద్రుల ఎమ్మెల్సీ స్థానానికి ఎన్నికలు జరుగనున్న నేపథ్యంలో సోమవారం ఖమ్మం నియోజకవర్గంలోని రఘునాథపాలెం మండలంతోపాటు ఖమ్మం అర్బన్‌, ఖానాపురం హవేలీ ప్రాంతాల్లో మాజీ మంత్రి పువ్వాడ అజయ్‌ విస్తృతంగా పర్యటించి ఆయా ప్రాంతాల నేతలతో ప్రత్యేక సమావేశాలు నిర్వహించారు.