ప్రైవేట్‌ చదువులు మన దగ్గరే ఎక్కువ

ప్రైవేట్‌ చదువులు తెలంగాణలోనే అధికంగా ఉన్నాయి. ప్రత్యేకించి 1-5తరగతుల్లో అత్యధికులు ప్రైవేట్‌ బడుల్లోనే చదువుతున్నారు. జాతీయంగా మణిపూర్‌, తెలంగాణ, పుదుచ్చేరిలు మొదటి వరుసలో ఉన్నాయి. ఇదే విషయం నేషనల్‌ శాంపిల్‌ సర్వే ఆర్గనైజేషన్‌(ఎన్‌ఎస్‌ఎస్‌వో)లో వెల్లడైంది.

• ప్రత్యేకించి ప్రైమరీ తరగతుల్లో అధికం
• మొదటి వరుసలో మణిపూర్‌, తెలంగాణ, పుదుచ్చేరి
• ఆడపిల్లలు సర్కారు బడికి.. మగపిల్లలు ప్రైవేటుకు
• వెల్లడించిన ఎన్‌ఎస్‌ఎస్‌వో సర్వే

హైదరాబాద్‌, నవంబర్‌ 4 (నమస్తే తెలంగాణ) : ప్రైవేట్‌ చదువులు తెలంగాణలోనే అధికంగా ఉన్నాయి. ప్రత్యేకించి 1-5తరగతుల్లో అత్యధికులు ప్రైవేట్‌ బడుల్లోనే చదువుతున్నారు. జాతీయంగా మణిపూర్‌, తెలంగాణ, పుదుచ్చేరిలు మొదటి వరుసలో ఉన్నాయి. ఇదే విషయం నేషనల్‌ శాంపిల్‌ సర్వే ఆర్గనైజేషన్‌(ఎన్‌ఎస్‌ఎస్‌వో)లో వెల్లడైంది. తల్లిదండ్రుల ఆదాయ వ్యయాలు, ఆకాంక్షలు పెరుగుతుండటంతోనే ప్రైవేటు చదువులు అధికమవుతున్నాయి. దీంతోపాటు ప్రభుత్వ పాఠశాలల్లో మాతృభాషలో బోధిస్తుండగా, ప్రైవేట్‌లో ఇంగ్లిష్‌మీడియంలో బోధిస్తున్నారు. చిన్న బడ్జెట్‌ స్కూైళ్లెనా పర్వాలేదన్నట్టుగా తల్లిదండ్రులు తమ పిల్లలను ప్రైవేట్‌లో చేర్పిస్తున్నట్టు నిపుణులు అంచనా వేస్తున్నారు. అయితే జాతీయంగా పరిస్థితి భిన్నంగా ఉంది. జాతీయ స్థాయిలో ప్రైమరీ చదువులకు అత్యధికులు సర్కారు స్కూళ్ల వైపు మెగ్గు చూపుతున్నారు.

ఎన్‌ఎస్‌ఎస్‌వో సర్వే వివరాలిలా..

• జాతీయంగా సర్కారు బడుల్లో ఎన్‌రోల్‌మెంట్‌ రేషియో 66.7శాతముండగా, ప్రైవేట్‌ స్కూళ్లల్లో కేవలం 23.4శాతమే.
• పశ్చిమబెంగాల్‌లో ప్రాథమిక తరగతుల్లోని విద్యార్థులు కేవలం 5శాతం ప్రైవేట్‌బడుల్లో చేరుతున్నారు. జాతీయంగా ఇదే అత్యల్పం. ఆ తర్వాత త్రిపురలో 6.2శా తం, ఒడిశాలో 6.3శాతం విద్యార్థులు మా్ర తమే ప్రైవేట్‌ స్కూళ్లల్లో చదువుతున్నారు.
• గ్రామీణ ప్రాంతాల్లో మణిపూర్‌, తెలంగాణ మినహా అన్ని రాష్ర్టాలు, కేంద్రపాలిత ప్రాం తాల్లో ప్రైవేట్‌ కంటే ప్రభుత్వ పాఠశాలల్లోనే అధికంగా ఎన్‌రోల్‌మెంట్‌ నమోదైంది.
• పట్టణ ప్రాంతాల్లో 43.8శాతం పిల్లలు ప్రైవేట్‌లో చేరితే, ప్రభుత్వ పాఠశాలల్లో 36.5శాతం మంది మాత్రమే చేరారు.
• ప్రాథమిక పాఠశాలల్లో చేరినవారిని తీసుకుంటే బాలికలు కేవలం 22.2 శాతం మాత్రమే ప్రైవేట్‌ బడుల్లో చేరగా, 68.4శాతం మంది బాలికలు ప్రభుత్వ బడుల్లోనే ఉన్నారు. ఇది లింగ వివక్షకు తార్కాణంగా నిలుస్తున్నది.
• జాతీయంగా బాలురు 65.3శాతం ప్రభుత్వ బడుల్లో ఉంటే 24.4శాతం ప్రైవేట్‌ బడుల్లో చదువుతున్నారు.
• ఏపీ, కర్ణాటక, మధ్యప్రదేశ్‌, పంజాబ్‌, రాజస్థాన్‌, తమిళనాడు, ఉత్తరప్రదేశ్‌ సహా దేశంలోని సగం రాష్ర్టాల్లో పట్టణ ప్రాంతాల్లో ప్రభుత్వ పాఠశాలల
  కంటే ప్రైవేట్‌లోనే ఎక్కువ మంది చేరుతున్నారు.