పవన్‌ – అన్నా విడాకులు!

ఏపీ డిప్యూటీ సీఎం, సినీ నటుడు పవన్‌ కల్యాణ్‌ వివాహ బంధానికి ముగింపు పలికారు. పరస్పర అంగీకారంతో అన్నా లెజినోవాతో విడిపోతున్నట్టు ప్రకటించారు.

• పరస్పర అవగాహనతో విడిపోతున్నట్టు ప్రకటన
• ఇద్దరి 13 ఏండ్ల వైవాహిక బంధానికి ముగింపు

హైదరాబాద్‌, నవంబర్‌ 9(నమస్తే తెలంగాణ) : ఏపీ డిప్యూటీ సీఎం, సినీ నటుడు పవన్‌ కల్యాణ్‌ వివాహ బంధానికి ముగింపు పలికారు. పరస్పర అంగీకారంతో అన్నా లెజినోవాతో విడిపోతున్నట్టు ప్రకటించారు. సోమవారం రాత్రి ఈ మేరకు సామాజిక మాధ్యమాల్లో ఓ స్టేట్‌మెంట్‌ వైరలైంది. జనసేన మీడియా వాట్సాప్‌ గ్రూపులో ఈ ప్రకటన విడుదల చేసినట్టు తెలిసింది.

13 ఏండ్ల వివాహ బంధానికి వీడ్కోలు పలుకుతున్నట్టు పవన్‌, అన్నా లెజినోవా సంయుక్తంగా విడుదల చేసిన ప్రకటనలో తెలిపారు. పరస్పర అంగీకారంతో విడిపోతున్నామని, అయినప్పటికీ మంచి స్నేహితులుగా కొనసాగుతామని, తమ పిల్లల పట్ల అంకితభావం గల తల్లిదండ్రులుగా బాధ్యతలు నిర్వర్తిస్తామని ప్రకటించారు.