Visit:
Jurala | జూరాల ప్రాజెక్టు పరిధిలోని అమరచింత, ఆత్మకూరు మండలాల రైతుల పోరాటం ఫలించింది. సాగునీటి కోసం రైతులు బీఆర్ఎస్ ఆధ్వర్యంలో పెద్ద ఎత్తున ఉద్యమించారు. ఈ క్రమంలో జూరాల ప్రాజెక్టు పరిధిలో సాగునీరు అందక ఎండిపోతున్న పంటలను కాపాడటానికి రాష్ట్ర ప్రభుత్వం తక్షణమే నీటిని విడుదల చేయాలని నిన్న(సోమవారం) మక్తల్ మాజీ ఎమ్మెల్యే చిట్టెం రాంమోహన్ రెడ్డి రైతులతో కలిసి ధర్నా చేపట్టారు. అనంతరం ప్రాజెక్ట్ సీఈతో ఫోన్లో మాట్లాడి క్షేత్రస్థాయిలో రైతాంగం ఎదుర్కొంటున్న తీవ్రమైన పరిస్థితులను వివరించారు.
సీఈ సానుకూలంగా స్పందించి ఉన్నత అధికారులతో మాట్లాడి తగు చర్యలు తీసుకుంటామని రాంమోహన్ రెడ్డికి హామీ ఇచ్చారు. ఇందులో భాగంగా జూరాల ఎడమ కాలువకు ఈరోజు మధ్యాహ్నం నీరు విడుదల చేస్తామని ప్రాజెక్టు సీఈ హామీ ఇచ్చినట్టు తెలిపిన రామ్మోహన్ రెడ్డి తెలిపారు. రైతుల కోసం ఎన్ని నిర్బంధనలైనా ఎదుర్కొంటామని, ఇది రైతుల విజయమని ఆయన తెలిపారు. ధర్నాలో పాల్గొన్న ప్రతి ఒక్కరికి పేరుపేరున ధన్యవాదాలు తెలిపారు.
