డిప్యూటీ ఈవో పోస్టుల భర్తీకి నోటిఫికేషన్‌

పాఠశాల విద్యాశాఖ పరిధిలో 24 డిప్యూటీ ఈవో/గ్రేడ్‌-1 హెచ్‌ఎం పోస్టుల భర్తీకి టీజీపీఎస్సీ శుక్రవారం నోటిఫికేషన్‌ విడుదల చేసింది.

హైదరాబాద్‌, జూన్‌ 5 (నమస్తే తెలంగాణ) : పాఠశాల విద్యాశాఖ పరిధిలో 24 డిప్యూటీ ఈవో/గ్రేడ్‌-1 హెచ్‌ఎం పోస్టుల భర్తీకి టీజీపీఎస్సీ శుక్రవారం నోటిఫికేషన్‌ విడుదల చేసింది. మల్టీ జోన్‌-1లో 10, మల్టీజోన్‌-2లో 14 చొప్పున పోస్టులున్నాయి. మొత్తం 450 మార్కులకు పరీక్షలు నిర్వహిస్తారు. ఈ నెల 12 నుంచి ఆన్‌లైన్‌ దరఖాస్తుల స్వీకరణ ప్రారంభమవుతుంది. జూలై 19 సాయంత్రం ఐదు గంటల వరకు దరఖాస్తు చేసుకోవచ్చు. అక్టోబర్‌లో పరీక్షలు నిర్వహిస్తామని టీజీపీఎస్సీ వెల్లడించింది.

ఇంకా చదవల్సిన వార్తలు

పీజీ ప్రవేశాల దరఖాస్తుకు 10 వరకు గడువు
హనుమకొండ చౌరస్తా, జూన్‌ 5: 2026-27 విద్యాసంవత్సరానికి వివిధ విశ్వవిద్యాలయాల్లో పోస్ట్‌ గ్రాడ్యుయేషన్‌ (పీజీ) కోర్సుల్లో ప్రవేశాల కోసం నిర్వహిస్తున్న ‘టీజీ సీపీగెట్‌-2026’ ప్రవేశ పరీక్షకు దరఖాస్తుల స్వీకరణ కొనసాగుతున్నదని టీజీ సీపీగెట్‌-2026 కన్వీనర్‌ ప్రొఫెసర్‌ కట్ల రాజేందర్‌ శుక్రవారం ఒక ప్రకటనలో తెలిపారు. అభ్యర్థులు ఈ నెల 10వ తేదీ వరకు ఎలాంటి అపరాధ రుసుము లేకుండా నిర్ణీత దరఖాస్తు రుసుము చెల్లించి ఆన్‌లైన్‌లో దరఖాస్తు చేసుకోవచ్చని పేర్కొన్నారు. ఈ నెల 14వ తేదీ వరకు రూ.500 అపరాధ రుసుముతో, 18 వరకు రూ.2 వేల అపరాధ రుసుముతో దరఖాస్తు చేసుకునే అవకాశం ఉన్నదని సూచించారు. అభ్యర్థులకు ఏవైనా సందేహాలుంటే queries-tgcpget26@ gmail.comకు ఈ-మెయిల్‌ పంపవచ్చని, కార్యాలయ సమయాల్లో 0870-2934285 నంబర్‌కు సంప్రదించవచ్చని తెలిపారు. ఇప్పటివరకు వివిధ పీజీ కోర్సులకు 23,916 మంది అభ్యర్థులు దరఖాస్తు చేసుకున్నట్టు రాజేందర్‌ పేర్కొన్నారు.