Visit:
Forensic Lab | హైదరాబాద్ : తెలంగాణ ఫోరెన్సిక్ ల్యాబ్‌లో డైరెక్ట్‌ రిక్రూట్‌మెంట్‌ ద్వారా 60 ఉద్యోగాల భ‌ర్తీకి ప్ర‌భుత్వం నోటిఫికేష‌న్ విడుద‌ల చేసింది. ఈ ఉద్యోగ నియామ‌కాల‌ను తెలంగాణ పోలీస్‌ రిక్రూట్‌మెంట్‌ బోర్డు ఆధ్వ‌ర్యంలో చేప‌ట్టనున్నారు.
ఈ మేరకు సైంటిఫిక్‌ ఆఫీసర్లు, సైంటిఫిక్‌ అసిస్టెంట్లు, ల్యాబొరేటరీ టెక్నీషియన్లు, ల్యాబొరేటరీ అటెండెంట్‌ పోస్టులకు దరఖాస్తులను ఆహ్వానిస్తున్నట్లు బోర్డు చైర్మన్‌ వీవీ శ్రీనివాసరావు ప్రకటించారు. సైంటిఫిక్‌ ఆఫీసర్‌ పోస్టులు ఫిజికల్‌/జనరల్‌ 2, కెమికల్‌ 3, బయాలజీ/సెరోలజీ 3, కంప్యూటర్స్‌ 2 పోస్టులు.. సైంటిఫిక్‌ అసిస్టెంట్‌ ఫిజికల్‌/జనరల్‌ 5, కెమికల్‌ 10, బయాలజీ/సెరోలజీ 10, కంప్యూటర్స్‌ 7 పోస్టులు ఉన్నాయి. ల్యాబొరేటరీ టెక్నీషియన్‌ విభాగంలో ఫిజికల్‌/జనరల్‌ 2, కెమికల్‌ 6, బయాలజీ/సెరోలజీ 4, కంప్యూటర్స్‌ 5, లేబోరేటరీ అటెండెంట్‌ 1 ఖాళీలు ఉన్నట్లు తెలిపారు. అర్హులైన అభ్యర్థులు అధికారిక వెబ్‌ సైట్‌ www.tgprb.inలో ఈనెల 27 నుంచి డిసెంబర్‌ 15వ తేదీ లోపు దరఖాస్తు చేసుకోవాలని కోరారు.
