జేఈఈ మెయిన్‌ సెక్షన్‌-బీలో నెగెటివ్‌ మార్కింగ్‌

జాతీయస్థాయిలో ప్రముఖ ఐఐటీలు, ఎన్‌ఐటీల్లో ప్రవేశాలకు నిర్వహించే జేఈఈ మెయిన్‌లో నేషనల్‌ టెస్టింగ్‌ ఏజెన్సీ (ఎన్టీఏ) అధికారులు పలు మార్పులు చేశారు. దరఖాస్తు విధానం సహా మార్కుల వరకు కీలక మార్పులు చేశారు. గతంలో సెక్షన్‌-ఏలో (మల్టిపుల్‌ చాయిస్‌ ప్రశ్నలు) మాత్రమే నెగెటివ్‌ మార్కింగ్‌ విధానం ఉండగా, ఈ ఏడాది కొత్తగా సెక్షన్‌-బీలోనూ ప్రవేశపెట్టారు. గతేడాదే జేఈఈ మెయిన్‌లో సెక్షన్‌-బీని కొత్తగా ప్రవేశపెట్టారు.

• దరఖాస్తు విధానంలోనూ మార్పులు
• ఈ ఏడాది నుంచే అమలు

హైదరాబాద్‌, మార్చి 2 (నమస్తే తెలంగాణ): జాతీయస్థాయిలో ప్రముఖ ఐఐటీలు, ఎన్‌ఐటీల్లో ప్రవేశాలకు నిర్వహించే జేఈఈ మెయిన్‌లో నేషనల్‌ టెస్టింగ్‌ ఏజెన్సీ (ఎన్టీఏ) అధికారులు పలు మార్పులు చేశారు. దరఖాస్తు విధానం సహా మార్కుల వరకు కీలక మార్పులు చేశారు. గతంలో సెక్షన్‌-ఏలో (మల్టిపుల్‌ చాయిస్‌ ప్రశ్నలు) మాత్రమే నెగెటివ్‌ మార్కింగ్‌ విధానం ఉండగా, ఈ ఏడాది కొత్తగా సెక్షన్‌-బీలోనూ ప్రవేశపెట్టారు. గతేడాదే జేఈఈ మెయిన్‌లో సెక్షన్‌-బీని కొత్తగా ప్రవేశపెట్టారు. ఇందులో న్యూమరికల్‌ వ్యాల్యూ ప్రశ్నలను అడుగుతున్నారు. ఈ సెక్షన్‌లో ఒక్కో సబ్జెక్టుకు మొత్తం 10 ప్రశ్నలిచ్చి ఏవైనా 5 ప్రశ్నలను రాసుకొనే అవకాశం ఇచ్చారు. గతేడాది నెగెటివ్‌ మార్కింగ్‌ విధానాన్ని అమలు చేయలేదు.

సెక్షన్‌-ఏలో గణితం, భౌతికశాస్త్రం, రసాయనశాస్త్రం సబ్జెక్టుల నుంచి 20 చొప్పున మొత్తం 60 ప్రశ్నలు ఇస్తారు. మొత్తం ప్రశ్నలకు తప్పనిసరిగా జవాబులు రాయాల్సిందే. వీటికి తప్పుగా సమాధానం రాస్తే నెగెటివ్‌ మార్కింగ్‌ ఉంటుంది.
సెక్షన్‌-బీలో గణితం, భౌతికశాస్త్రం, రసాయనశాస్త్రంలో ఒక్కో సబ్జెక్టు నుంచి 10 చొప్పున మొత్తం 30 ప్రశ్నలు ఇస్తారు. విద్యార్థులు 15 ప్రశ్నలకు మాత్రమే సమాధానాలు రాయాలి. తాజాగా ఈ ప్రశ్నలకు నెగెటివ్‌ మార్కింగ్‌ విధానాన్ని అమలు చేస్తున్నారు. తప్పు సమాధానాలు రాస్తే మార్కులు కోల్పోవాల్సి ఉంటుంది.

విదేశీ భాషల డిప్లొమా కోర్సుల పరీక్ష ఫీజు స్వీకరణ

ఉస్మానియా యూనివర్సిటీ, మార్చి 2: ఉస్మానియా యూనివర్సిటీ పరిధిలోని వివిధ విదేశీ భాషల డిప్లొమా కోర్సుల పరీక్ష ఫీజును స్వీకరిస్తున్నట్టు ఓయూ కంట్రోలర్‌ ఆఫ్‌ ది ఎగ్జామినేషన్స్‌ ప్రొఫెసర్‌ నగేశ్‌ ఒక ప్రకటనలో తెలిపారు. ఫ్రెంచ్‌, జర్మన్‌ భాషల్లో జూనియర్‌, సీనియర్‌, అడ్వాన్స్‌డ్‌ డిప్లొమా కోర్సుల రెగ్యులర్‌ పరీక్ష ఫీజును ఈ నెల 14లోగా సంబంధిత కళాశాలల్లో చెల్లించవచ్చని చెప్పారు. రూ.300 అపరాధ రుసుముతో ఈ నెల 16 వరకు చెల్లించవచ్చని పేర్కొన్నారు. పరీక్షలు వచ్చేనెలలో నిర్వహించనున్నట్టు తెలిపారు. తేదీలు, పూర్తి వివరాలు త్వరలో వెల్లడిస్తామని చెప్పారు. పూర్తి వివరాలకు ఓయూ వెబ్‌సైట్‌ www.osmania.ac.in ను సందర్శించాలని సూచించారు.

ముఖ్యమైన మార్పులు..

• ఒకసారి వివరాలు నమోదుచేసి దరఖాస్తు చేసిన తర్వాత ఎట్టి పరిస్థితుల్లో మార్చుకోరాదు.
• రిజిస్ట్రేషన్‌ సమయంలో విద్యార్థి ప్రస్తుత, శాశ్వత చిరునామాను బట్టి పరీక్ష కేంద్రాలు ప్రత్యక్షమవుతాయి. నగరాల జాబితా వెతకాల్సిన అవసరం ఉండదు. సమయం ఆదా అవుతుంది.
• కుటుంబ వార్షికాదాయంలో తండ్రి, గార్డియన్‌ (సంరక్షకుడు) ఆదాయంతోపాటు తల్లి ఆదాయాన్ని సైతం పరిగణనలోకి తీసుకొంటారు. దీనిని విద్యార్థులు తప్పనిసరిగా పూరించాలి.
• ఆన్‌లైన్‌లో దరఖాస్తు చేసేటప్పుడు మూడంచెల్లో దరఖాస్తులు పూరించాలి. తొలుత రిజిస్ట్రేషన్‌ ఫాంను పూరించి, ఆ తర్వాత అప్లికేషన్‌ ఫాంను నింపాలి. మూడో దశలో ఫీజు చెల్లించాలి.
• ఆధార్‌ నెంబర్‌ను దరఖాస్తులో పొందుపరచాలి. ఇది ఐచ్ఛికం.
• అంధులు, దివ్యాంగులు స్ర్కైబ్‌ సహాయం తీసుకోవచ్చు. దరఖాస్తులో స్ర్కైబ్‌ ఆప్షన్‌ను ఎంచుకోవాలి. స్ర్కైబ్‌ను ఎన్‌టీఏ అధికారులే సమకూరుస్తారు.
• విద్యార్థుల కోసం ఉమంగ్‌, డిజిలాకర్లను అందుబాటులోకి తీసుకొచ్చారు. కన్ఫర్మేషన్‌ పేజీ, అడ్మిట్‌కార్డు, స్కోర్‌కార్డు వంటివాటిని దీని ద్వారా డౌన్‌లోడ్‌ చేసుకోవచ్చు.