e-Paper

Advertisement

E-Paper

Apps

Book Your Copy

Visit Telangana Today

Sunday, May 9, 2021
Home News తెలంగాణ‌లో య‌థావిధిగా మున్సిప‌ల్ ఎన్నిక‌లు

తెలంగాణ‌లో య‌థావిధిగా మున్సిప‌ల్ ఎన్నిక‌లు

తెలంగాణ‌లో య‌థావిధిగా మున్సిప‌ల్ ఎన్నిక‌లు

హైద‌రాబాద్ : క‌రోనా ఉధృతి దృష్ట్యా రెండు కార్పొరేష‌న్లు, ఐదు మున్సిపాలిటీల‌కు ఎన్నిక‌లు జ‌రుగుతాయా? ‌లేదా? అన్న అంశంపై ఏర్ప‌డిన గంద‌ర‌గోళానికి తెర‌ప‌డింది. షెడ్యూల్ ప్ర‌కార‌మే మున్సిప‌ల్ ఎన్నిక‌లు నిర్వ‌హిస్తామ‌ని రాష్ర్ట ఎన్నిక‌ల క‌మిష‌న‌ర్ పార్థసార‌థి స్ప‌ష్టం చేశారు. కొవిడ్ నిబంధ‌న‌లు క‌ట్టుదిట్టంగా అమ‌లు చేస్తామ‌ని, అన్ని ర‌కాల ముందు జాగ్ర‌త్త‌లు తీసుకుంటామ‌ని ప్ర‌భుత్వం ఎస్ఈసీకి స్ప‌ష్టం చేసింది. ఈ నేప‌థ్యంలో అధికారుల‌తో ఎస్ఈసీ చ‌ర్చించి.. ఎన్నిక‌ల ప్ర‌క్రియ కొన‌సాగించాల‌ని నిర్ణ‌యించింది.


ఈ సంద‌ర్భంగా ఎస్ఈసీ పార్థ‌సార‌థి మాట్లాడుతూ.. ఎన్నిక‌ల ప్ర‌క్రియ కొన‌సాగించాల‌ని.. రాష్ర్ట ప్ర‌భుత్వం కోరింద‌ని తెలిపారు. అధికారుల‌తో చ‌ర్చించి ఎన్నిక‌ల ప్ర‌క్రియ కొన‌సాగింపున‌కు నిర్ణ‌యం తీసుకున్నామ‌ని చెప్పారు. కొవిడ్ నిబంధ‌న‌లు విధిగా పాటించాల‌ని పేర్కొన్నారు. రాత్రి 7 గంట‌ల నుంచి ఉద‌యం 8 గంట‌ల వ‌ర‌కు బ‌హిరంగ స‌భ‌లు, ర్యాలీల‌పై నిషేధం విధించిన‌ట్లు స్ప‌ష్టం చేశారు. పోలింగ్‌కు 72 గంట‌ల ముందే ప్ర‌చారం ఆపాల‌ని ఆదేశించారు. దీంతో 27వ తేదీ సాయంత్రం 5 గంట‌ల‌కు ఎన్నిక‌ల ప్ర‌చారం ముగియ‌నుంది.


వ‌రంగ‌ల్‌, ఖ‌మ్మం కార్పొరేష‌న్ల‌తో పాటు జ‌డ్చ‌ర్ల‌, కొత్తూరు, అచ్చంపేట‌, న‌కిరేక‌ల్‌, సిద్దిపేట మున్సిపాలిటీల‌కు 30వ తేదీన పోలింగ్ జ‌ర‌గ‌నుంది. మే 3న ఓట్ల లెక్కింపు చేప‌ట్ట‌నున్నారు.

Advertisement
తెలంగాణ‌లో య‌థావిధిగా మున్సిప‌ల్ ఎన్నిక‌లు
-Advertisement-

తాజావార్తలు

Advertisement

ట్రెండింగ్‌

Advertisement