Aligireddy Praveen Reddy | కరీంనగర్ : కరీంనగర్ కాంగ్రెస్ ఎంపీ అభ్యర్థి అల్గిరెడ్డి ప్రవీణ్ రెడ్డి బుధవారం మధ్యాహ్నం నామినేషన్ దాఖలు చేశారు. ఈ మేరకు ఎన్నికల రిటర్నింగ్ అధికారికి ప్రవీణ్ రెడ్డి నామినేషన్ పత్రాలను అందజేశారు. ఈ కార్యక్రమంలో అల్గిరెడ్డి అనుచరులు పాల్గొన్నారు.
ఇక కాంగ్రెస్ తరపున కరీంనగర్ ఎంపీ స్థానానికి వెలిచాల రాజేందర్ రావు రెండు రోజుల క్రితం నామినేషన్ దాఖలు చేసిన సంగతి తెలిసిందే. కాంగ్రెస్ అధిష్టానం టికెట్ ఇంకా ఖరారు చేయకున్నా కరీంనగర్ ఎంపీ అభ్యర్థులుగా నామినేషన్ వేసిన వెలిచాల రాజేందర్ రావు, అల్గిరెడ్డి ప్రవీణ్ రెడ్డి. ఈ పరిణామాల నేపథ్యంలో కాంగ్రెస్ శ్రేణులు అయోమయానికి గురవుతున్నారు. కరీంనగర్ ఎంపీ స్థానానికి పోటీ చేయబోయే అసలైన అభ్యర్థి ఎవరనేది తెలియక తలలు పట్టుకుంటున్నారు. కరీంనగర్ ఎంపీ సీటు ఎవరు నెగ్గించుకుంటారనేది చర్చనీయాంశమైంది.