Visit:
టీఆర్ఎస్ పార్టీ వ‌ర్కింగ్ ప్రెసిడెంట్, మంత్రి కేటీఆర్‌పై ఓ యువ రైతు త‌న‌కున్న అభిమానాన్ని చాటుకున్నాడు. ప్రేమతో వరుసగా రెండోసారి.. తన నారు మ‌డిలో KTR అనే అక్ష‌రాల‌తో నారు పోసి పెంచాడు. ఆ నారు పెర‌గ‌డంతో.. KTR అనే అక్ష‌రాలు ప్ర‌త్యేక ఆక‌ర్ష‌ణ‌గా నిలిచాయి.
కరీంనగర్ జిల్లా రామడుగు మండలం వెదిర గ్రామానికి చెందిన టీఆర్ఎస్ పార్టీ యువ కార్యకర్త శనిగారపు అర్జున్‌కు కేటీఆర్ అంటే ఎంతో అభిమానం. దీంతో గతేడాది కూడా తన పొలంలో KTR అనే అక్ష‌రాల ఆకారంలో నారు పోసి, పెంచి తన అభిమానాన్ని చాటుకున్నాడు. దీనిపై స్పందించిన కేటీఆర్.. అర్జున్‌కు ప్ర‌త్యేక కృత‌జ్ఞ‌త‌లు తెలిపారు.
