సమైక్యత వజ్రోత్సవాలకు భారీ ఏర్పాట్లు

• 16,17,18 తేదీల్లో నిర్వహణ
• వీడియో కాన్ఫరెన్స్‌లో సీఎస్‌

హైదరాబాద్‌, సెప్టెంబర్‌ 7 (నమస్తే తెలంగాణ): తెలంగాణ జాతీయ సమైక్యత వజ్రోత్సవాలు నిర్వహణకు పకడ్బందీగా భారీ ఏర్పాట్లు చేయాలని రాష్ట్ర ప్రభుత్వ ప్రధాన కార్యదర్శి సోమేశ్‌కుమార్‌ అధికారులను ఆదేశించారు. ఈ నెల 16, 17, 18 తేదీల్లో ఈ వజ్రోత్సవాలను ఘనంగా నిర్వహించనున్నట్టు చెప్పారు. బుధవారం బీఆర్కేభవన్‌లో డీజీపీ మహేందర్‌రెడ్డితో కలిసి సీఎస్‌ జిల్లా కలెక్టర్లు, పోలీస్‌ కమిషనర్లు, పోలీస్‌ సూపరింటెండెంట్లు, ఇతర అధికారులతో వీడియో కాన్ఫరెన్స్‌ నిర్వహించారు.

వజ్రోత్సవాల నిర్వహణ ఇలా..

• 16న అన్ని నియోజకవర్గాల్లో ఒక్కోచోట 15 వేల మందితో ర్యాలీలు
• ప్రతి జిల్లాకు 10 వేల జాతీయ జెండాలు, 50 పెద్ద జెండాలు
• పర్యవేక్షణకు నియోజవర్గానికి ఒక నోడల్‌ అధికారి నియామకం
• 17న అన్ని జిల్లా కేంద్రాల్లో జాతీయ జెండాల ఆవిష్కరణ
• పబ్లిక్‌ గార్డెన్‌లో జాతీయ జెండా ఎగురవేయనున్న సీఎం కేసీఆర్‌
• ఎన్టీఆర్‌ స్టేడియంలో జరిగే బహిరంగ సభలో కేసీఆర్‌ ప్రసంగిస్తారు.
• 18న అన్ని జిల్లా కేంద్రాల్లో సాంస్కృతిక కార్యక్రమాల నిర్వహణ
• 15 నుంచి విద్యుత్తు దీపాలతో ప్రభుత్వ కార్యాలయాల అలంకరణ