విశాఖ చేరిన కార్డెలియా క్రూజ్‌

పర్యాటకులకు సముద్రంలో విహరించే అవకాశం కల్పిస్తున్న కార్డెలియా క్రూజ్‌ నౌక బుధవారం విశాఖపట్నం పోర్టుకు చేరుకొన్నది. దీంతో చాలా మంది పర్యాటకులు చెన్నైకి వెళ్లేందుకు టికెట్లు బుక్‌ చేసుకొన్నారు. కార్డెలియో క్రూజ్‌ కంపెనీ నిర్వహిస్తున్న ఈ నౌక.. హిందూ మహాసముద్ర తీరం వెంబడి ప్రయాణిస్తూ

పుదుచ్చేరి, చెన్నై మీదుగా ప్రయాణించి తిరిగి వైజాగ్‌కు
పర్యాటకుల ఆసక్తి
హాట్‌కేకుల్లా అమ్ముడైన టికెట్స్‌
11 అంతస్థులతో కార్డెలియా క్రూజ్‌ నౌక నిర్మాణం

హైదరాబాద్‌, జూన్‌ 8 (నమస్తే తెలంగాణ): పర్యాటకులకు సముద్రంలో విహరించే అవకాశం కల్పిస్తున్న కార్డెలియా క్రూజ్‌ నౌక బుధవారం విశాఖపట్నం పోర్టుకు చేరుకొన్నది. దీంతో చాలా మంది పర్యాటకులు చెన్నైకి వెళ్లేందుకు టికెట్లు బుక్‌ చేసుకొన్నారు. కార్డెలియో క్రూజ్‌ కంపెనీ నిర్వహిస్తున్న ఈ నౌక.. హిందూ మహాసముద్ర తీరం వెంబడి ప్రయాణిస్తూ విశాఖపట్నం, పుదుచ్చేరి, చెన్నై మీదుగా ప్రయాణించి తిరిగి విశాఖపట్నం చేరుకొంటుంది. విశాఖపట్నం నుంచి చెన్నైకి ప్రయాణించేందుకు ఈ షిప్‌కు 36 గంటల సమయం పడుతుందని నిర్వాహకులు తెలిపారు.

కార్డెలియా క్రూజ్‌ విశేషాలు

• మూడు రాత్రులు, నాలుగు పగళ్ల టూర్‌ ప్యాకేజీ అందుబాటులో ఉంటుంది.
• ఈ నౌకలో ఒకేసారి 1500 మంది ప్రయాణించొచ్చు.
• వైజాగ్‌ నుంచి చెన్నైకి ఈ షిప్‌లో వెళ్లాలంటే 36 గంటలు పడుతుంది.
• నౌక మొత్తం 11 అంతస్థులు..
• ప్యాసింజర్‌ లాంజ్‌ ఇంజిన్‌, కార్గో తర్వాత మూడో అంతస్థు నుంచి పర్యాటకుల కోసం ఏర్పాటు చేశారు.
• సూర్యోదయాలు, సూర్యాస్తమయాలను వీక్షించేందుకు 11వ అంతస్థులో ప్రత్యేక డెక్‌ ఏర్పాటు చేశారు.
• నౌకలో పిల్లలు ఆడుకోవడానికి కార్డెలియా కిడ్స్‌ అకాడమీ, వ్యాయామశాల, స్విమ్మింగ్‌ పూల్‌, క్యాసినో, ఆడిటోరియం, థియేటర్లు, 24 గంటల సూపర్‌ మార్కెట్‌ ఉన్నాయి.