మెగా బ్రదర్ నాగబాబు ముద్దుల తనయ నిహారిక గత ఏడాది డిసెంబర్లో జొన్నలగడ్డ చైతన్యని వివాహం చేసుకున్న సంగతి తెలిసిందే. రాజస్థాన్లోని ఉదయ్పూర్ ప్యాలెస్ వేదికగా జరిగిన వీరి వివాహానికి మెగా ఫ్యామిలీతో పాటు అల్లు ఫ్యామిలీ కూడా హాజరైంది. అంగరంగ వైభవంగా జరిగిన ఈ పెళ్లి వేడుకలో మెగా హీరోలు తెగ సందడి చేశారు. ప్రస్తుతం నిహారిక వైవాహిక జీవితాన్ని సంతోషంగా గడుపుతుండగా, తన ఫ్యామిలీకి సంబంధించిన అప్డేట్స్ ఎప్పటికప్పుడు తన సోషల్ మీడియా ద్వారా నెటిజన్స్కు తెలియజేస్తూ ఉంటుంది.
ఉగాది పండుగ సందర్భంగా నాగబాబు తన అల్లుడికి లగ్జరీ కారుని బహుమతిగా అందించారు. రేంజ్ రోవర్ డిస్కవర్ తెలుపు రంగు కారుతో అల్లుడిని సర్ప్రైజ్ చేశారు నాగబాబు. కారు డెలివరీ చేస్తున్న ఫొటోలను నిహారిక తన ఇన్స్టాగ్రామ్లో షేర్ చేసింది. అలానే నాగబాబు కూడా తన యూట్యూబ్ ఛానెల్ ద్వారా ఈ విషయాన్ని తెలియజేస్తూ.. ఉగాదికి ఇవ్వాల్సిన కానుక కాస్త లేట్ అయిందని పేర్కొన్నాడు.