LIP | ఆగస్టులో లెర్నింగ్ ఇంప్రూవ్మెంట్ ప్రోగ్రాం.. 6 నుంచి 9 తరగతుల్లో అమలు
సర్కారు బడుల విద్యార్థుల కోసం ‘లెర్నింగ్ ఇంప్రూవ్మెంట్ ప్రోగ్రాం’ (ఎల్ఐపీ)ను ఆగస్టులో ప్రారంభించాలని విద్యాశాఖ నిర్ణయించింది. ఇందుకు జూలైలో టీచర్లకు శిక్షణ పూర్తిచేయనున్నట్టు పేర్కొన్నది.
- కనీస సామర్థ్యాల సాధనకు దృష్టి
- తొలుత విద్యార్థులకు బేస్లైన్ టెస్ట్ నిర్వహణ
- ఆ తర్వాత విద్యాబోధనలో ప్రమాణాల పెంపు
LIP | హైదరాబాద్, జూన్ 30 (నమస్తే తెలంగాణ) : సర్కారు బడుల విద్యార్థుల కోసం ‘లెర్నింగ్ ఇంప్రూవ్మెంట్ ప్రోగ్రాం’ (ఎల్ఐపీ)ను ఆగస్టులో ప్రారంభించాలని విద్యాశాఖ నిర్ణయించింది. ఇందుకు జూలైలో టీచర్లకు శిక్షణ పూర్తిచేయనున్నట్టు పేర్కొన్నది. విద్యార్థులు కనీస సామర్థ్యాల సాధించడమే ఈ ప్రోగ్రాం ముఖ్య ఉద్దేశం. ప్రాథమిక తరగతుల విద్యార్థుల కోసం తొలిమెట్టు పేరిట ప్రత్యేక కార్యక్రమాన్ని నిరుడు నిర్వహించిన విషయం తెలిపిందే. ఈ ఏడాది 6 నుంచి 9తరగతుల విద్యార్థులకు లెర్నింగ్ ఇంప్రూవ్మెంట్ ప్రోగ్రాంకు విద్యాశాఖ రూపకల్పన చేసింది. ఇందులో మూడు అంశాలను ప్రాధాన్యంగా తీసుకొని అమలు చేయాలని అధికారులు నిర్ణయించారు. తరగతి గది బోధనను మెరుగుపర్చడం, విద్యార్థులు భాషల్లో చదవడం.. రాయడం, టీచర్లలో సామర్థ్యాలను పెంచడం (టీచర్స్ కెపాసిటీ బిల్డింగ్) వంటి అంశాలపై దృష్టిసారించారు. ఏం చదివారో.. ఏం నేర్చుకున్నారో చెప్పలేని పరిస్థితుల నుంచి విద్యార్థులను గట్టెక్కించేందుకు ఈ ప్రోగ్రాంకు విద్యాశాఖ శ్రీకారం చుట్టింది. పాఠశాల విద్యాశాఖ, ఆస్కీ, సేవ్ ది చిల్డ్రన్స్ సంస్థలు భాగస్వామ్యంతో ఈ కార్యక్రమాన్ని అమలుచేస్తారు.
కార్యక్రమ అమలు ఇలా..
- తొలుత విద్యార్థులకు బేస్లైన్ టెస్ట్ నిర్వహిస్తారు. దీని ఆధారంగా విద్యార్థుల ప్రగతి అంచనా వేస్తారు.
- టీచర్లు పాఠాలు ఎలా చెబుతున్నారో పరిశీలించేందుకు ప్రత్యేక బృందాలను నియమించి పర్యవేక్షణ (మానిటరింగ్ ) చేస్తారు. టీచర్ల లోపాలను ఎత్తిచూపకుండా నిర్మాణాత్మక సూచనలు, లోపాలు అధిగమించేందుకు కావాల్సిన మద్దతును అందజేస్తారు.
- టీచర్ల చేతికి..ముద్రిత పాఠ్యప్రణాళికలు
- టీచర్లకు పాఠ్యప్రణాళిక (లెస్సన్ప్లాన్)ను అందజేయాలని పాఠశాల విద్యాశాఖ నిర్ణయించింది. టీచర్లు ఈ ప్రణాళికల ప్రకారమే పాఠాలు బోధించాల్సి ఉంటుంది. ఇది వరకు టీచర్లు సొంతంగా వీటిని తయారుచేసుకోవడంతో ఇవి అంత నాణ్యంగా ఉండటంలేదన్న వాదనలున్నాయి. ఈ నేపథ్యంలోనే అన్ని రకాల ప్రమాణాలను పాటిస్తూ ఎస్సీఈఆర్టీ పాఠ్యప్రణాళికలను రూపొందించింది. 20 వేలకు పైగా పాఠ్యప్రణాళికలను ముద్రించి ఉచితంగా బడులకు అందజేయనున్నది. వీటి ఆధారంగా టీచర్లు తరగతి గది బోధన చేపడుతారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

