జేఎన్టీయూ అఫిలియేషన్ల ప్రక్రియ షురూ

2023 -24 విద్యాసంవత్సరంలో వృత్తివిద్య కాలేజీల అఫిలియేషన్ల (అనుబంధ గుర్తింపు) ప్రక్రియను జేఎన్టీయూ ప్రారంభించింది. కొత్త కోర్సులు ప్రవేశపెట్టడం, కోర్సుల మూసివేతకు నో ఆబ్జెక్షన్‌ సర్టిఫికెట్‌ (ఎన్‌వోసీ)లకు ఈ నెల 25లోపు దరఖాస్తు చేసుకోవాలని జేఎన్టీయూ రిజిస్ట్రార్‌ మంజూర్‌ హుస్సేన్‌ సర్క్యులర్‌ జారీచేశారు.

• 25లోపు దరఖాస్తుల స్వీకరణ

హైదరాబాద్‌, జనవరి 2 (నమస్తే తెలంగాణ): 2023 -24 విద్యాసంవత్సరంలో వృత్తివిద్య కాలేజీల అఫిలియేషన్ల (అనుబంధ గుర్తింపు) ప్రక్రియను జేఎన్టీయూ ప్రారంభించింది. కొత్త కోర్సులు ప్రవేశపెట్టడం, కోర్సుల మూసివేతకు నో ఆబ్జెక్షన్‌ సర్టిఫికెట్‌ (ఎన్‌వోసీ)లకు ఈ నెల 25లోపు దరఖాస్తు చేసుకోవాలని జేఎన్టీయూ రిజిస్ట్రార్‌ మంజూర్‌ హుస్సేన్‌ సర్క్యులర్‌ జారీచేశారు. ఎన్‌వోసీలకు యాజమాన్యాలు, విద్యాసంస్థల సొసైటీల తీర్మానం, మినిట్స్‌ను జతపర్చాలన్నారు.

దరఖాస్తులు వీటికే..

• కళాశాల, విద్యాసంస్థ, కోర్సులు, ప్రోగ్రాం మూసివేత
• కొత్త కోర్సులు, కొత్త ప్రోగ్రాంను ప్రవేశపెట్టడం
• ఇన్‌టేక్‌ పెంపు (ఇప్పుడున్న సీట్ల సంఖ్య పెంపు)
• కోర్సుల విలీనం
• ఇన్‌టేక్‌ తగ్గింపు (ఇప్పుడున్న సీట్ల సంఖ్యను తగ్గించడం)
• సొసైటీ పేరు మార్పు
• కళాశాల, విద్యాసంస్థ పేరు మార్పు