21న పదో అంతర్జాతీయ యోగా డే

ఈ నెల 21న పదో అంతర్జాతీయ యోగా దినోత్సవం సందర్భంగా రాష్ట్రం ప్రభుత్వం ప్రత్యేక కార్యక్రమాలు నిర్వహిస్తున్నట్టు తెలంగాణ యోగాధ్యాన పరిషత్‌ సెక్రటరీ ఎం ప్రశాంతి శనివారం తెలిపారు. 21న ఉదయం 7 గంటల నుంచి మధ్యాహ్నం 12 గంటల వరకు హైదరాబాద్‌లోని సంజీవయ్య పార్కు వద్ద యోగా దినోత్సవ కార్యక్రమం ఉంటుందని చెప్పారు.

• 18 నుంచి ప్రత్యేక కార్యక్రమాలు
• ఏర్పాట్లు చేస్తున్న రాష్ట్ర సర్కారు

హైదరాబాద్‌, జూన్‌ 15 (నమస్తే తెలంగాణ) : ఈ నెల 21న పదో అంతర్జాతీయ యోగా దినోత్సవం సందర్భంగా రాష్ట్రం ప్రభుత్వం ప్రత్యేక కార్యక్రమాలు నిర్వహిస్తున్నట్టు తెలంగాణ యోగాధ్యాన పరిషత్‌ సెక్రటరీ ఎం ప్రశాంతి శనివారం తెలిపారు. 21న ఉదయం 7 గంటల నుంచి మధ్యాహ్నం 12 గంటల వరకు హైదరాబాద్‌లోని సంజీవయ్య పార్కు వద్ద యోగా దినోత్సవ కార్యక్రమం ఉంటుందని చెప్పారు. ఈ నెల 18 నుంచి 21 వరకు యోగ, ధ్యానానికి సంబంధించిన కార్యక్రమాల నిర్వహణకు షెడ్యూల్‌ విడుదల చేసినట్టు తెలిపారు. అంతర్జాతీయ యోగా దినోత్సవాన్ని మంత్రి దామోదర రాజనర్సింహ ప్రారంభిస్తారని వెల్లడించారు.

ముందస్తు కార్యక్రమాల వివరాలు

• 18న ఉదయం 7 నుంచి 8.30 వరకు నెక్లెస్‌రోడ్డులో విద్యార్థులతో యోగావాక్‌
• 19న ఉదయం 7 నుంచి 8.30వరకు చార్మినార్‌ వద్ద 4కేఎం యోగావాక్‌
• 20న ఉదయం 7 నుంచి 8.30 వరకు కేబుల్‌ బ్రిడ్జి నుంచి కోహినూర్‌ హోటల్‌ వరకు 2 కేఎం యోగావాక్‌
• 21న ఉదయం 6 నుంచి మధ్యాహ్నం 12 వరకు సంజీవయ్య పార్కు వద్ద ‘మాస్‌ యోగా డెమాన్‌స్ట్రేషన్‌’.