‘క్యూర్‌’లో ఇందిరమ్మ ఇండ్ల సందేహాల నివృత్తికి హెల్ప్‌ లైన్‌

కోర్‌ అర్బన్‌ రీజియన్‌ ఎకానమీ(క్యూర్‌) పరిధిలో ఇందిరమ్మ ఇండ్ల పథకానికి సంబంధించి దరఖాస్తు విధానం, అర్హతలు, అవసరమైన పత్రాలు, చెల్లింపులు, కేటాయింపు విధానం తదితర అంశాలపై సమాచారం అందించేందుకు ప్రభుత్వం ప్రత్యేక కాల్‌ సెంటర్‌ హెల్ప్‌ లైన్‌ను ఏర్పాటు చేసింది.

హైదరాబాద్‌, జూలై 25 (నమస్తే తెలంగాణ) : కోర్‌ అర్బన్‌ రీజియన్‌ ఎకానమీ(క్యూర్‌) పరిధిలో ఇందిరమ్మ ఇండ్ల పథకానికి సంబంధించి దరఖాస్తు విధానం, అర్హతలు, అవసరమైన పత్రాలు, చెల్లింపులు, కేటాయింపు విధానం తదితర అంశాలపై సమాచారం అందించేందుకు ప్రభుత్వం ప్రత్యేక కాల్‌ సెంటర్‌ హెల్ప్‌ లైన్‌ను ఏర్పాటు చేసింది.

ఈ కాల్‌ సెంటర్‌ను హౌసింగ్‌ బోర్డు కార్యాలయంలో శనివారం మంత్రి పొంగులేటి శ్రీనివాస్‌ రెడ్డి ప్రారంభించారు. ఈ సందర్భంగా ఆయన ప్రజలకు ఎలాంటి సందేహాలు ఉన్నా మధ్యవర్తులను నమ్మకుండా నేరుగా 040-24603572 నంబర్‌కు ఉదయం 9 గంటల నుంచి సాయంత్రం 6 గంటల మధ్య ఫోన్‌ చేసి సమాచారాన్ని పొందవచ్చని తెలిపారు. తెలుగు, హిందీ, ఇంగ్లిశ్‌, ఉర్దూ భాషల్లో సమాచారం తెలియజేస్తామని పొంగులేటి వెల్లడించారు.