ఇందిరమ్మ ఇల్లు రాలేదని.. పోల్‌ ఎక్కి నిరసన

సిద్దిపేట జిల్లా బెజ్జంకి మండలం పాపయ్యపల్లికి చెందిన దోనే రవీందర్‌ ఇందిరమ్మ ఇల్లు రాలేదని మనస్తాపానికి గురై శుక్రవారం గ్రామపరిధిలోని హైటెన్షన్‌ విద్యుత్తు స్తంభం ఎక్కి నిరసనకు దిగాడు.

బెజ్జంకి, అక్టోబర్‌ 9:  సర్పంచ్‌ బొల్లం శ్రీధర్‌, బెజ్జంకి ఎస్సై తిరుపతి ఘటనా స్థలానికి చేరుకుని విద్యుత్తు స్తంభం దిగాలని రవీందర్‌ను కోరారు.

అర్హత ఉన్నా ఇందిరమ్మ ఇల్లు మంజూరు చేయలేదని, తహసీల్దార్‌ వ్యవసాయ భూమి రిజిస్ట్రేషన్‌ చేయడం లేదని వాపోయాడు. సమస్యలన్నీ పరిష్కరిస్తామని సర్దిచెప్పడంతో రవీందర్‌ స్తంభం దిగాడు.