Visit:
హైదరాబాద్‌, జూలై 6 (నమస్తే తెలంగాణ): తెలంగాణలో ఐదు రోజులపాటు తేలికపాటి నుంచి భారీ వర్షాలు కురిసే అవకాశాలున్నాయని హైదరాబాద్‌ వాతావరణ కేంద్రం తెలిపింది. ఈ మేరకు ఆయా జిల్లాలకు అధికారులు ఎల్లో అలర్ట్‌ను జారీ చేశారు. ఆదిలాబాద్‌, కుమ్రంభీం ఆసిఫాబాద్‌, మంచిర్యాల, నిర్మల్‌, నిజామాబాద్‌, జగిత్యాల, రాజన్న సిరిసిల్ల, సిద్దిపేట, యాదాద్రి భువనగిరి, రంగారెడ్డి, హైదరాబాద్‌, మేడ్చల్‌ మలాజిగిరి, వికారాబాద్‌, సంగారెడ్డి, మెదక్‌, కామారెడ్డి, మహబూబ్‌నగర్‌,
నారాయణపేట జిల్లాల్లో వానలుపడే సూచనలున్నాయని పేరొంది. ఉమ్మడి ఆదిలాబాద్‌తోపాటు జగిత్యాల, రాజన్న సిరిసిల్ల, భద్రాద్రి కొత్తగూడెం, ఖమ్మం, నల్లగొండ, సూర్యాపేట, మహబూబాబాద్‌, సిద్దిపేట, భువనగిరి, రంగారెడ్డి, హైదరాబాద్‌, మేడ్చల్‌ మలాజిగిరి, వికారాబాద్‌, సంగారెడ్డి, మెదక్‌, కామారెడ్డి, మహబూబ్‌ నగర్‌, నాగర్‌కర్నూల్‌, వనపర్తి జిల్లాల్లో ఆదివారం నుంచి సోమవారం ఉదయం వరకు ఉరుములు, మెరుపులతో కూడిన వర్షాలు కురుస్తాయని తెలిపింది.
ఆదిలాబాద్‌, నిర్మల్‌, నిజామాబాద్‌, వికారాబాద్‌, సంగారెడ్డి, మెదక్‌, కామారెడ్డి, మహబూబ్‌నగర్‌, నాగర్‌కర్నూల్‌ జిల్లాల్లో మంగళవారం నాడు భారీ వర్షాలు కురిసే అవకాశమున్నదని పేరొంది. ఇక గడిచిన 24 గంటల్లో ఉమ్మడి ఆదిలాబాద్‌తోపాటు కరీంనగర్‌, నిజామాబాద్‌, వరంగల్‌, ఖమ్మం, కొత్తగూడెం, మహబూబ్‌నగర్‌, వనపర్తి, జోగులాంబ గద్వాల, సంగారెడ్డి, హైదరాబాద్‌లోని పలు ప్రాంతాల్లో మోస్తరు వర్షాపాతం నమోదైంది.
