Harish Rao | రాజ్యాంగం పట్ల చిత్తశుద్ధి ఉంటే మిగతా ఎమ్మెల్యేలతో రాజీనామా చేయించాలి : మాజీ మంత్రి హరీష్‌రావు

Harish Rao | కాంగ్రెస్‌ అగ్రనేత రాహుల్‌గాంధీ కి రాజ్యాంగం పట్ల చిత్తశుద్ధి ఉంటే పార్టీ ఫిరాయించిన ఎమ్మెల్యేల చేత రాజీనామా చేయించాలని మాజీ మంత్రి హరీష్‌రావు డిమాండ్‌ చేశారు.

హైదరాబాద్‌ : కాంగ్రెస్‌ అగ్రనేత రాహుల్‌గాంధీ ( Rahul Gandhi ) కి రాజ్యాంగం పట్ల చిత్తశుద్ధి ఉంటే పార్టీ ఫిరాయించిన ఎమ్మెల్యేల చేత రాజీనామా చేయించాలని మాజీ మంత్రి హరీష్‌రావు( Harish Rao) డిమాండ్‌ చేశారు. ఖైరతాబాద్‌ ఎమ్మెల్యే దానం నాగేందర్‌ ( Danam Nagendhar ) సభ్యత్వాన్ని రద్దు చేస్తూ హైకోర్టు ఇచ్చిన తీర్పును సుప్రీం కోర్టు ( Supreme Court ) సమర్ధించడం పట్ల ఆయన స్పందించారు.

సుప్రీం తీర్పు రేవంత్‌కు, కాంగ్రెస్‌కు చెంపపెట్టులాంటిదని అన్నారు. రాజ్యాంగాన్ని పట్టుకుని తిరుగుతున్న రాహుల్‌ గాంధీకి ఈ తీర్పుతో కనువిప్పు కలగాలని పేర్కొన్నారు. మాటల్లో నిజాయితీ ఉంటే , రాజ్యాంగాన్ని కాపాడాలని చిత్తశుద్ధి ఉంటే పార్టీ ఫిరాయించిన ఎమ్మెల్యేలతో రాజీనామా చేయించాలని డిమాండ్‌ చేశారు.

మిగతా శాసనసభ్యులకు ఇదే విధంగా తీర్పు వస్తుందని ఆశాభావం వ్యక్తం చేశారు. సుప్రీం తీర్పుతో కాంగ్రెస్‌ తప్పు చేసిందని, స్పీకర్‌ వారిని కాపాడే ప్రయత్నం చేశారని, రేవంత్‌ రెడ్డి అరాచకాలు బట్టబయలయ్యాయని వెల్లడించారు.